Sätbaev qalasynyŋ tūrǧyndary 8 qaŋtardan berı qara qarǧa qatysty şaǧymdaryn äleumettık jelı arqyly jetkızıp keledı. Ekologiia departamentınıŋ mälımetınşe, būl qūbylysqa "Kazakhmys Distribution" kompaniiasyna qarasty jylu elektr ortalyǧynan şyǧarylatyn lastauşy zattar sebep bolǧan, dep habarlaidy "Adyrna" ūlttyq portaly.
Ekologiialyq retteu jäne baqylau komitetınıŋ habarlauynşa, qardyŋ qara tüske boialuy atmosferaǧa tazartu qondyrǧylarynan tolyq ötpei şyǧatyn ziiandy zattardyŋ äserınen tuyndaǧan.
"Qardyŋ qara tüske boialuyna "Kazakhmys Distribution" JŞS jylu elektr ortalyǧynyŋ qazandyqtarynan şyqqan lastauşy zattardyŋ şyǧaryndylary sebep boldy", — delıngen vedomstvonyŋ habarlamasynda.
2024 jyly ekologiia departamentı osyndai jaǧdai boiynşa kompaniiany tekserıp, 42,9 million teŋge kölemınde aiyppūl salǧan bolatyn. Kompaniia ekologiialyq talaptarǧa sai būzuşylyqtardy tüzetuge mındettelgen edı.
21 qaŋtardan bastap departament "Kazakhmys Distribution" kompaniiasyna jospardan tys qaita tekseru jürgızdı. Sarapşylar jylu elektr ortalyǧynyŋ şyǧaryndylarynyŋ közderınen synama alyp, taldau jasaitynyn mälımdedı. Tekseru qorytyndysy boiynşa ministrlık resmi aqparat beredı.
Ūqsas jaŋalyqtar
