استانا پوليتسەيلەرى ەسىرتكى وشاعىن انىقتاپ، زياندى زاتتاردى ساۋدالاعان قىلمىسى ءۇشىن بىرنەشە رەت سوتتالعان 47 جاستاعى قالا تۇرعىنىن ۇستادى. ونىڭ ۇلى دالا كوشەسىندە ورنالاسقان ۇيىنە ءتىنتۋ جۇرگىزگەن كەزدە گەروين تابىلدى، دەپ حابارلايدى "ادىرنا" ۇلتتىق پورتالى.
قالا ساقشىلارىنىڭ مالىمەتىنشە، ۇيدەگى اس ءۇي تارتپاسىنان اقشىل ءتۇستى، تۇيىرشىكتى كونتسەنتراتسياسى بار پوليەتيلەن پاكەت جانە ەلەكتروندى تارازى تابىلدى.
"زەرتتەۋدىڭ قورىتىندىسىنا سايكەس، تاركىلەنگەن زاتتار سالماعى 88,89 گرامم بولاتىن "گەروين" ەسىرتكى زاتى بولىپ شىقتى. قازىرگى ۋاقىتتا سوتقا دەيىنگى تەرگەۋ امالدارى جۇرگىزىلۋدە. كۇدىكتى قاماۋعا الىندى، - دەپ حابارلايدى پد ەققىب باستىعى پوليتسيا پولكوۆنيگى رۋستام گاسيزوۆ.
"ادىرنا" ۇلتتىق پورتالى
