اتىراۋداعى تۇرعىن ءۇي كەشەنىنىڭ قۇرىلىس الاڭىندا ەكى جۇمىسشى بەسىنشى قاباتتان قۇلاپ، بىرەۋى وقيعا ورنىندا مەرت بولىپ، ەكىنشىسى جاراقاتتارمەن اۋرۋحاناعا جەتكىزىلدى، دەپ حابارلايدى “ادىرنا” ۇلتتىق پورتالى AtyrauPress باسىلىمىنا سىلتەپ.
«اتىراۋدا قۇرىلىس الاڭىندا قايعىلى جاعداي بولدى: ەكى جۇمىسشى بەسىنشى قاباتتان قۇلاپ، بىرەۋى مەرت بولدى، ەكىنشىسى اۋرۋحانادا جاتىر»، - دەلىنگەن حابارلامادا.
اتىراۋ وبلىسىنىڭ پوليتسيا دەپارتامەنتىنىڭ ءباسپاسوز قىزمەتى 20 قاڭتاردا ساعات 11:15 شاماسىندا بۇل وقيعا بولعانىن حابارلادى. قۇلاۋ سالدارىنان 43 جاستاعى ەر ادام مەرت بولىپ، ونىڭ 33 جاستاعى ارىپتەسى وبلىستىق اۋرۋحاناعا جەتكىزىلگەن.
وقيعا بويىنشا تەرگەۋشىلەر قىلمىستىق ءىس قوزعادى. سوت-مەديتسينالىق ساراپتاما تاعايىندالىپ، جان-جاقتى تەرگەۋ ارەكەتتەرى جۇرگىزىلۋدە.
