بۇۇ-نىڭ ادام قۇقىقتارى جونىندەگى كەڭەسىنىڭ امبەباپ مەرزىمدىك شولۋ ء(امش) جۇمىس توبى جەنەۆاداعى ۇلتتار سارايىندا قازاقستانداعى ادام قۇقىقتارىنىڭ جاعدايىن تالقىلادى، دەپ حابارلايدى "ادىرنا" ۇلتتىق پورتالى كازتاگ تىلشىسىنە سىلتەپ.
ءامش جۇمىس توبى بەيسەنبى كۇنى قازاقستانداعى ادام قۇقىقتارىنىڭ قازىرگى احۋالىن قاراستىردى.
قازاقستان دەلەگاتسياسى بۇرىنعى شولۋلاردا بەرىلگەن ۇسىنىستاردى جۇزەگە اسىرۋ بويىنشا قابىلدانعان شارالار تۋرالى مالىمدەپ، ادام قۇقىقتارى سالاسىنداعى سوڭعى وقيعالاردى تانىستىردى. دەلەگاتسيانى قازاقستاننىڭ ادىلەت ءمينيسترى ەرلان سارسەمباەۆ باسقاردى. قازاقستان بويىنشا بايانداماشى رەتىندە بوليۆيا، گامبيا جانە جاپونيا وكىلدەرى ءسوز سويلەدى.
سونىمەن قاتار، جەنەۆاداعى بۇۇ عيماراتىندا قازاقستاننىڭ ادام قۇقىقتارى جونىندەگى ءتورتىنشى ۇلتتىق بايانداماسىن قورعاۋ اياسىندا ارنايى سايد-يۆەنت ءوتتى. ءىس-شارانى قازاقستان سەناتى جانىنداعى ينكليۋزيا كەڭەسىنىڭ ءتورايىمى ءلاززات قالتاەۆا جۇرگىزدى. ءماجىلىس دەپۋتاتتارى بولاتبەك ناجمەتدينۇلى، كەنجەگۇل سەيىتجان جانە يۋليا كۋچينسكايا ساياسي رەفورمالار، سونىڭ ىشىندە كونستيتۋتسيالىق وزگەرىستەر، ءولىم جازاسىن جويۋ، ءسوز بوستاندىعىن كەڭەيتۋ جانە سايلاۋ قۇقىقتارىن جاقسارتۋ ماسەلەلەرىن، سونداي-اق الەۋمەتتىك ينكليۋزيا، جۇمىسپەن قامتۋ، مەديتسينالىق قىزمەتتەردىڭ قولجەتىمدىلىگى مەن ەڭبەك قاۋىپسىزدىگىن قامتاماسىز ەتۋ سياقتى رەفورمالاردى تالقىلادى.
بالالار قۇقىقتارى جونىندەگى ۋاكىل دينارا زاكيەۆا بالالاردىڭ قۇقىقتارىن قورعاۋ سالاسىنداعى جەتىستىكتەرىمەن ءبولىستى: ومبۋدسمەننىڭ مانداتىن كۇشەيتۋ، بۋللينگتىڭ الدىن الۋ، سۋيتسيد پەن سەكسۋالدىق زورلىق-زومبىلىققا قارسى شارالار. ال "ۇلتتىق كاسىبي الەۋمەتتىك قىزمەتكەرلەر اليانسى" رەسپۋبليكالىق قوعامدىق ۇيىمىنىڭ اتقارۋشى ديرەكتورى دينارا ەسيموۆا الەۋمەتتىك ساياساتتى نىعايتۋ مەن وسال توپتاردىڭ قۇقىقتارىن قورعاۋداعى ازاماتتىق قوعامنىڭ ءرولى تۋرالى ايتتى.
بۇعان دەيىن بۇۇ باس اسسامبلەياسىنا ارنالعان باياندامادا قازاقستانداعى ادام قۇقىقتارىن بۇزعاندارعا جازا قولدانىلمايتىندىعى تۋرالى الاڭداۋشىلىق ايتىلعان بولاتىن. قازاقستانعا بەرىلگەن ۇسىنىستاردىڭ ىشىندە ريم ستاتۋتىن راتيفيكاتسيالاۋ ماسەلەسى دە بار. ەگەر قازاقستان بۇل قۇجاتتى راتيفيكاتسيالاسا، 2023 جىلدىڭ ناۋرىزىندا رەسەي پرەزيدەنتى ۆلاديمير پۋتينگە قاتىستى شىعارىلعان حالىقارالىق قىلمىستىق سوتتىڭ وردەرى بويىنشا ونى ەل اۋماعىندا ۇستاۋعا جانە سوتقا تاپسىرۋعا مىندەتتى بولاتىنى اتاپ وتىلگەن.جەنەاپ
ۇقساس جاڭالىقتار
