Reseıdiń syrtqy ister mınıstri Sergeı Lavrov Qazaqstan mınıstrligine habarlasty, dep habarlaıdy "Adyrna" ulttyq portaly QazTAG-qa siltep.
Bul týraly Qazaqstannyń Reseıdegi elshiligi málimdedi.
«Reseı tarapynyń bastamasymen Qazaqstan Respýblıkasynyń Premer-mınıstriniń orynbasary – syrtqy ister mınıstri Murat Nurtileý men Reseı Federaııasynyń syrtqy ister mınıstri Sergeı Lavrov arasynda telefon arqyly áńgime ótti. Mınıstrler memleket basshylarynyń tapsyrmalaryn ýaqtyly oryndaýǵa basa nazar aýdara otyryp, 2024 jylǵy ekijaqty ózara is-qımyl qorytyndylaryn talqylap, aldaǵy joǵary jáne joǵarǵy deńgeıdegi is-sharalar kúntizbesin kelisti», – delingen beısenbi kúngi habarlamada.
Eki tarap qazaq-reseı qarym-qatynastarynyń damý qarqynyn joǵary baǵalap, ártúrli salalardaǵy strategııalyq seriktestikti nyǵaıtý josparlaryn talqylady.
«Sondaı-aq halyqaralyq kún tártibindegi ózekti máseleler men kópjaqty formattaǵy yntymaqtastyq týraly pikir almasty», – delingen habarlamada.
