بۇگىن، تاڭەرتەڭ يراندا جويعىش ۇشاق اپاتقا ۇشىرادى. وقيعا ەلدىڭ باستىس ايماعىندا ورىن العان، دەپ حابارلايدى "ادىرنا" ۇلتتىق پورتالى IRNA اقپارات اگەنتتىگىنە سىلتەمە جاساپ.
بۇل تۋرالى يران ارمياسىنىڭ اسكەري-اۋە كۇشتەرى رەسمي حابارلاعان.
ۇشقىشتار اپاتتىق شىعۋ ارقىلى شىعىپ ۇلگەرىپ، امان قالعان.
"22 قاڭتاردا يران ارمياسىنىڭ اسكەري-اۋە كۇشتەرىنە تيەسىلى وقۋ ۇشاعى وقۋ-جاتتىعۋ تاپسىرماسىن ورىنداۋ كەزىندە حامادان پروۆينتسياسىندا اپاتقا ۇشىرادى. ۇشاقتىڭ ەكى ۇشقىشى دا ءدىن امان", - دەلىنگەن اسكەري-اۋە كۇشتەرىنىڭ حابارلاماسىندا.
حامادان پروۆينتسياسى گۋبەرناتورىنىڭ ورىنباسارى حامزە امراي Tasnim اگەنتتىگىنە اسكەري ۇشاق سارسەنبى كۇنى تاڭەرتەڭ كەبۋدراحەنگ قالاسى ماڭىندا وقۋ-جاتتىعۋ ۇشۋى كەزىندە اپاتقا ۇشىراعانىن ايتقان.
كەبۋدراحەنگ قالاسى حامادان پروۆينتسياسىنىڭ ورتالىعىنان 60 كم سولتۇستىك-باتىستا ورنالاسقان.
باق مالىمەتىنشە، ۇشقىشتار جەڭىل جاراقات الىپ، اۋرۋحاناعا جەتكىزىلگەن.
