قازاقستان ۇلتتىق قۇراماسىنىڭ بۇرىنعى فۋتبولشىسى داۆيد لوريا قازاقستان فۋتبول فەدەراتسياسىنىڭ ۆيتسە-پرەزيدەنتى قىزمەتىن اتقارادى. بۇل تۋرالى قفف ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
ايتا كەتەيىك، قفف جاڭا پرەزيدەنتىنە كەزەكتەن تىس سايلاۋ جەلتوقسان ايىندا وتكەن بولاتىن. دەۆيد لوريا نەگىزگى فۋتبول لاۋازىمىنا ۇمىتكەرلەردىڭ ءبىرى بولدى، بىراق داۋىس بەرۋدەن ءبىر كۇن بۇرىن ول ءوز كانديداتۋراسىن الىپ تاستاپ، مارات وماروۆتى قولدادى. باسەكەلەستىكتى قورعاۋ جانە دامىتۋ اگەنتتىگىنىڭ 36 جاستاعى باسشىسى مارات وماروۆ باسىم كوپشىلىك داۋىسقا يە بولىپ، قفف-نىڭ جاڭا پرەزيدەنتى بولدى.
داۆيد لوريا مانسابىندا "جەڭىس", "ەسىل", "شاحتەر", "حالمستاد" (شۆەتسيا), "سپارتاك-نالچيك" (رەسەي), "استانا", "ەرتىس", "ريزەسپور" (تۇركيا), "قايرات", "كارشياكا" (تۇركيا), "ورداباسى" كلۋبتارىندا وينادى. قازاقستان ۇلتتىق قۇراماسىندا 47 ويىن وتكىزىپ، قاقپاشىلار اراسىندا رەكورد جاسادى.
1999 جىلى قازاقستان جاستار قۇراماسى ساپىندا نيگەريادا وتكەن الەم چەمپيوناتىنا قاتىستى.
مانسابىن اياقتاعاننان كەيىن ول "استانا" فۋتبول كلۋبىندا، استانا قالاسىنىڭ فۋتبول فەدەراتسياسىندا جانە "Super Bol" جوباسىندا باسشىلىق قىزمەتتەر اتقاردى.
2019-2022 جىلدارى ۋەفا UEFA MIP – UEFA Executive Master for International Players ماگيسترلىك باعدارلاماسى بويىنشا سپورت مەنەدجمەنتى سالاسىندا ءبىلىم الدى.
