44 جاستاعى رەسەيلىك مامان ماگومەد اديەۆ فۋتبولدان قازاقستان ۇلتتىق قۇراماسىن رەسمي تۇردە باسقاراتىن بولدى. بۇل تۋرالى Vesti.kz. سايتى مالىمدەدى، دەپ حابارلايدى “ادىرنا” ۇلتتىق پورتالى.
سايتتىڭ حابارلاۋىنشا، ول باس باپكەر بولىپ بۇگىن، 6 مامىردا فۋتبول فەدەراتسياسىندا تاعايىندالعان. وعان قفف باسشىسى ادىلەت بارمەنقۇلوۆ قاتىستى.
ەسكە سالساق، قازاقستان قۇراماسىن اديەۆ باسقارادى دەگەن اقپارات ءساۋىر ايىندا شىققان بولاتىن. ول بىلتىر قاراعاندىنىڭ «شاحتەر» كومانداسىنىڭ باپكەرلىگىنەن كەتكەن.
اديەۆكە دەيىن ۇلتتىق قۇرامانىڭ باس باپكەرى مىندەتىن اندرەي كارپوۆيچ اتقارسا، وعان دەيىن تالعات بايسۋفينوۆ باسشىلىق ەتتى.
”ادىرنا” ۇلتتىق پورتالى
