Qazaqstan ūlttyq qūramasynyŋ būrynǧy futbolşysy David Loriia Qazaqstan futbol federasiiasynyŋ vise-prezidentı qyzmetın atqarady. Būl turaly QFF baspasöz qyzmetı mälımdedı, dep habarlaidy “Adyrna” ūlttyq portaly.
Aita keteiık, QFF jaŋa prezidentıne kezekten tys sailau jeltoqsan aiynda ötken bolatyn. Devid Loriia negızgı futbol lauazymyna ümıtkerlerdıŋ bırı boldy, bıraq dauys beruden bır kün būryn ol öz kandidaturasyn alyp tastap, Marat Omarovty qoldady. Bäsekelestıktı qorǧau jäne damytu agenttıgınıŋ 36 jastaǧy basşysy Marat Omarov basym köpşılık dauysqa ie bolyp, QFF-nyŋ jaŋa prezidentı boldy.
David Loriia mansabynda "Jeŋıs", "Esıl", "Şahter", "Halmstad" (Şvesiia), "Spartak-Nalchik" (Resei), "Astana", "Ertıs", "Rizespor" (Türkiia), "Qairat", "Karşiiaka" (Türkiia), "Ordabasy" klubtarynda oinady. Qazaqstan ūlttyq qūramasynda 47 oiyn ötkızıp, qaqpaşylar arasynda rekord jasady.
1999 jyly Qazaqstan jastar qūramasy sapynda Nigeriiada ötken älem chempionatyna qatysty.
Mansabyn aiaqtaǧannan keiın ol "Astana" futbol klubynda, Astana qalasynyŋ futbol federasiiasynda jäne "Super Bol" jobasynda basşylyq qyzmetter atqardy.
2019-2022 jyldary UEFA UEFA MIP – UEFA Executive Master for International Players magistrlık baǧdarlamasy boiynşa sport menedjmentı salasynda bılım aldy.
