Ataǵy jer jarǵan áıgili kýtıýre Krıstıan Dıordyń mýzasy, qazaq qyzy Alla Elshinniń beınesi belgili brend Dior sómkelerinde beınelendi. Bul týraly belgili qazaqstandyq ekonomıst, dıplomat jáne sán tarıhshysy Berlın Irıshev aıtty, dep habarlaıdy “Adyrna” ulttyq portaly.
Berlen Irıshevtiń málimetinshe, qazaq arýynyń beınesi álemniń 82 elindegi dúken vıtrınalarynda paıda boldy.
Alla Elshinniń beınesi brend tarıhynyń bir bóligine aınaldy. Onyń esimi aty ańyzǵa aınalǵan sán úıi Dior jáne Allanyń portretimen bezendirilgen “Lady Dior” sómkeleriniń jańa nusqasynyń shyǵýynyń arqasynda álemdik arenada qaıta jarqyrap tur.
Foto: Berlın Irıshev
Qol sómkesiniń quny shamamen 6 myń eýrony quraıdy jáne bul 30 jylda alǵash ret ıkonalyq sómkede sýret paıda boldy. Buryn eshbir model mundaı qurmetke ıe bolmaǵan.
Endi Alla Elshinniń portreti Eýropadan Ońtústik-Shyǵys Azııaǵa deıingi álemniń 82 elindegi Dior býtıkteriniń sórelerinde ilinetin bolady.
