17 قاڭتار كۇنى 83 جاسقا قاراعان شاعىندا موڭعوليانىڭ تۇڭعىش پرەزيدەنتى پۋنسالمااگين وچيربات قايتىس بولدى. قارالى حاباردى جەرگىلىكتى باق جەتكىزدى، دەپ حابارلايدى «ادىرنا» ءتىلشىسى.
ول 1942 جىلى 23 قاڭتاردا زاۆحان ايماعىندا دۇنيەگە كەلگەن. لەنينگرادتاعى تاۋ-كەن ينستيتۋتىنىڭ تۇلەگى، تەحنيكا عىلىمدارىنىڭ كانديداتى. ساياسي مانسابىندا سىرتقى ىستەر ءمينيسترى، ەكونوميكا ءمينيسترى، ۇلى حالىق حۋرالىنىڭ توراعاسى قىزمەتتەرىن اتقاردى. 1990 جىلى موڭعوليانىڭ ءبىرىنشى پرەزيدەنتى بولىپ سايلانىپ، ەلدى 1997 جىلعا دەيىن باسقاردى.
ول وكىلەتتىك مەرزىمى اياقتالعاننان كەيىن ساياساتتان كەتىپ، كەدەيلىكپەن كۇرەسەتىن كوممەرتسيالىق ەمەس «وچيربات» قورىن قۇردى. سونداي-اق موڭعوليا كونستيتۋتسيالىق سوتىنىڭ مۇشەسى قىزمەتىن اتقاردى.
ەسكە سالايىق، 2023 جىلدىڭ 14 قىركۇيەگىندە مولدوۆانىڭ تۇڭعىش پرەزيدەنتى ميرچا سنەگۋر ومىردەن وزعان ەدى.
