اقتاۋ ماڭىندا بولعان ۇشاق اپاتىنا بايلانىستى ءۇش ەلدە جەكەلەگەن قىلمىستىق ىستەر قوزعالدى. بۇل تۋرالى ازەربايجاننىڭ باس پروكۋرورى كيامران اليەۆ مالىمدەدى، دەپ حابارلايدى «ادىرنا» ءتىلشىسى.
ايتۋىنشا، تەرگەۋ شارالارى رەسەي، ازەربايجان جانە قازاقستاندا جۇرگىزىلىپ جاتىر.
«قازاقستان، ازەربايجان جانە رەسەيدىڭ ءتيىستى قۇرىلىمدارى دالەلدەردى جينادى، ولار كەيىننەن كىنالى ادامداردى انىقتاۋ ءۇشىن بىرلەسىپ تالدانادى. قازىرگى تاڭدا رەسەيدىڭ تەرگەۋ كوميتەتى مەن باس پروكۋراتۋراسى وسى باعىتتا ءتيىستى تەرگەۋ ءىس-شارالارىن جۇرگىزۋ ۇستىندە»،—دەدى ول.
ەسكە سالايىق، 25 جەلتوقساندا باكۋدەن گروزنىيعا بەت العان اzerbaijan Airlines (AZAL) اۋەكومپانياسىنا تيەسىلى ۇشاق اقتاۋ ماڭىندا اپاتقا ۇشىراعان ەدى. اپات سالدارىنان 38 ادام قازا تاپتى.
