اقش-تىڭ جاڭادان سايلانعان پرەزيدەنتى دونالد ترامپ ەكس-باسشى دجو بايدەننىڭ «اقىلعا قونىمسىز» بۇيرىقتارىن جويۋعا ۋادە بەردى. بۇل تۋرالى ول 19 قاڭتاردا يناۋگۋراتسيا الدىندا سويلەگەن سوزىندە ايتتى، دەپ حابارلايدى «ادىرنا» ءتىلشىسى The Times باسىلىمىنا سىلتەمە جاساپ.
«مەن انت بەرگەننەن كەيىن بايدەن اكىمشىلىگىنىڭ ءاربىر راديكالدى ءارى اقىلعا قونىمسىز بۇيرىعى بىرنەشە ساعات ىشىندە ءوز كۇشىن جويادى. ەلىمىزدە امەريكالىقتاردى «باقىتتى» ەتەتىن جاڭا زاڭدار قابىلدانادى»،—دەدى ول.
سونداي-اق ترامپ 20 قاڭتاردا اقش تاريحىندا جاڭا كۇن باستالاتىنىن مالىمدەدى.
«تۇستە امەريكالىق قۇلدىراۋدىڭ ءتورت جىلعا سوزىلعان شىمىلدىعى جابىلادى. ءبىز وركەندەۋ جولىنداعى جاڭا تاراۋدى باستايمىز»،—دەپ تولىقتىردى باسشى.
ايتا كەتەيىك، بۇگىن دونالد ترامپ اقش-تىڭ 47-پرەزيدەنتى قىزمەتىنە رەسمي تۇردە كىرىسەدى. باسشىنىڭ ۇلىقتاۋ راسىمىنە اقش مەملەكەتتىك دەپارتامەنتىنىڭ TechWomen باعدارلاماسىنىڭ تۇلەگى، قازاقستاندىق ساياساتتانۋشى دينا شايحيسلام دا قاتىسادى.
