الماتىدا ءال-فارابي داڭعىلىندا بولعان جول اپاتىنان 39 جاستاعى ايەل ادام قازا تاپتى، دەپ حابارلايدى «ادىرنا» ۇلتتىق پورتالى.
جەرگىلىكتى پوليتسيا قىزمەتىنىڭ كەزەكشى ءبولىمى حابارلاعانداي، جول اپاتى بۇگىن تاڭعى ساعات 5:30 شاماسىندا الماتىنىڭ بوستاندىق اۋدانىندا بولعان.
تoyota ماركالى كولىكتىڭ 20 جاستاعى جۇرگىزۋشىسى ءال-فارابي داڭعىلىمەن باتىس باعىتتا كەلە جاتىپ، قاراتاەۆ كوشەسىمەن قيىلىسقان تۇستا رولگە يە بولا الماي، سولتۇستىك جول جيەگىنە شىعىپ كەتىپ، بورديۋرگە سوعىلعان.
ناتيجەسىندە تروتۋارعا شىعىپ كەتىپ، 39 جاستاعى جاياۋ جۇرگىنشىنى قاققان. سودان كەيىن جارنامالىق تاقتانىڭ تىرەگىنە سوعىلىپ، توڭكەرىلىپ قالعان.
وكىنىشكە قاراي، اپات سالدارىنان جاياۋ جۇرگىنشى وقيعا ورنىندا كوز جۇمدى.
كولىك جۇرگىزۋشىسى مەن ونىڭ جولاۋشىسى قالاداعى اۋرۋحانالاردىڭ بىرىنە جەتكىزىلدى.
ادام ولىمىنە اكەلگەن جول-كولىك وقيعاسى بويىنشا قىلمىستىق ءىس قوزعالدى.
باسقا ماتەريالدار
Adyrna.kz ۇلتتىق پورتالىنىڭ ماڭىزدى اقپاراتتارىنا جازىلۋ
سوڭعى جاڭالىقتار تۋرالى حاباردار بولىڭىز