ابىلقايىر سقاقوۆ الەۋمەتتىك مەديتسينالىق ساقتاندىرۋ قورىنىڭ باسقارما توراعاسى قىزمەتىنەن كەتتى، دەپ حابارلايدى “ادىرنا” ۇلتتىق پورتالى.
قوردىڭ ءباسپاسوز قىزمەتى بۇل اقپاراتتى راستاپ، ونىڭ قىزمەتتەن ءوز ەركىمەن كەتۋ شەشىمى تۋرالى مالىمدەدى.
ابىلقايىر سقاقوۆ 1974 جىلى پاۆلودار وبلىسىندا دۇنيەگە كەلگەن. ول ەكونوميكا جانە قارجى، قۇقىق، سونداي-اق بيزنەستى باسقارۋ ماگيسترى ماماندىقتارى بويىنشا ءۇش جوعارى بىلىمگە يە.
سقاقوۆتىڭ ەڭبەك جولى 1995 جىلى باستالعان. ول پاۆلودار جانە قوستاناي وبلىستارىندا سالىق ورگاندارىندا جۇمىس ىستەگەن، 2012-2016 جىلدارى قارجى مينيسترلىگى جۇيەسىندە ءارتۇرلى لاۋازىمداردى اتقارعان. كەيىن قورعانىس مينيسترلىگىنىڭ ۆيتسە-ءمينيسترى، قارجى مونيتورينگى كوميتەتىنىڭ باسشىسى، سونداي-اق 2020-2022 جىلدارى پاۆلودار وبلىسىنىڭ اكىمى بولىپ قىزمەت ەتتى.
الەۋمەتتىك مەديتسينالىق ساقتاندىرۋ قورىنىڭ باسقارما توراعاسى قىزمەتىنە ابىلقايىر سقاقوۆ 2023 جىلدىڭ قىركۇيەك ايىندا تاعايىندالعان بولاتىن. قىزمەتىنەن كەتكەنى تۋرالى ناقتى سەبەپتەر ايتىلماعان.
ۇقساس جاڭالىقتار
