يلون ماسكتىڭ SpaceX Starship زىمىرانى تەحاستان (اقش) سىناق ۇشىرۋ كەزىندە كاريب تەڭىزىنىڭ ۇستىندە جارىلدى، دەپ حابارلايدى “ادىرنا” ۇلتتىق پورتالى.
ولار زىمىراننىڭ جاڭارتىلعان نۇسقاسىن عارىشقا جىبەرمەك بولعان. دەگەنمەن، جەتىنشى ۇشىرۋ ناتيجەسىندە ساتسىزدىككە ۇشىرادى. زىمىران ۇشىرۋدىڭ ەڭ قيىن ەلەمەنتتەرىنىڭ ءبىرىن ورىنداۋ مۇمكىن بولدى، بىراق كەيىن زىمىران جارىلىپ كەتتى.
ۇشۋدىڭ سەگىزىنشى مينۋتىندا كەمە تەلەمەتريانى بەرۋدى توقتاتتى. ول ۇشىپ بارا جاتقاندا جارىلىپ، سىنىقتارى كاريب تەڭىزى ۇستىنەن تومەن قاراي قۇلادى.
Reuters اگەنتتىگىنىڭ حابارلاۋىنشا، جارىلىستىڭ ناتيجەسىندە بىرنەشە ۇشاقتار باعىتىن وزگەرتۋگە ءماجبۇر بولدى، سەبەبى ولار زىمىراننىڭ سىنىقتارىمەن سوقتىعىسپاۋ ءۇشىن قاۋىپسىز اۋماققا ۇشۋعا ءتيىس بولدى.
قۇلاۋدى تۇسىندىرە وتىرىپ، ماسك الدىن الا سەبەبى رەتىندە وتىننىڭ اعىپ كەتۋىن جانە ونىڭ سالدارىنان قىسىمنىڭ ارتۋىن ايتادى.
