Ilon Masktyń SpaceX Starship zymyrany Tehastan (AQSh) synaq ushyrý kezinde Karıb teńiziniń ústinde jaryldy, dep habarlaıdy “Adyrna” ulttyq portaly.
Olar zymyrannyń jańartylǵan nusqasyn ǵaryshqa jibermek bolǵan. Degenmen, jetinshi ushyrý nátıjesinde sátsizdikke ushyrady. Zymyran ushyrýdyń eń qıyn elementteriniń birin oryndaý múmkin boldy, biraq keıin zymyran jarylyp ketti.
Ushýdyń segizinshi mınýtynda keme telemetrııany berýdi toqtatty. Ol ushyp bara jatqanda jarylyp, synyqtary Karıb teńizi ústinen tómen qaraı qulady.
Reuters agenttiginiń habarlaýynsha, jarylystyń nátıjesinde birneshe ushaqtar baǵytyn ózgertýge májbúr boldy, sebebi olar zymyrannyń synyqtarymen soqtyǵyspaý úshin qaýipsiz aýmaqqa ushýǵa tıis boldy.
Qulaýdy túsindire otyryp, Mask aldyn ala sebebi retinde otynnyń aǵyp ketýin jáne onyń saldarynan qysymnyń artýyn aıtady.
