رەسەي 18 ماۋسىمعا قاراعان ءتۇنى كيەۆكە زىمىرانمەن شابۋىلدادى. سوققى G7 ەلدەرى ۋكرايناعا قولداۋدى كۇشەيتۋگە ۋادە بەرگەننەن كەيىن جاسالىپ وتىر، دەپ حابارلايدى «ادىرنا» ءتىلشىسى AFP اگەنتتىگىنە سىلتەمە جاساپ.
شەتەلدىك باق مالىمەتىنشە، ۋكراينا استاناسىندا اۋە دابىلى سيرەنالارى قوسىلىپ، كەيىن زىمىرانداردىڭ ۇشۋ دىبىسى مەن جارىلىستار ەستىلگەن.
كيەۆ قالالىق اسكەري اكىمشىلىگىنىڭ باسشىسى تيمۋر تكاچەنكو تۇرعىندارعا ۋكراينا استاناسىنا بالليستيكالىق زىمىراندار باعىتتالعانىن ەسكەرتتى.
«دابىل توقتاتىلعانعا دەيىن قاۋىپسىز جەردە بولىڭىزدار!» – دەپ جازدى ول Telegram-ارناسىندا.
ۋكراينا اۋە كۇشتەرى دە ەلدىڭ سولتۇستىگىندە بالليستيكالىق زىمىراندارمەن سوققى بەرۋ قاۋپى بار ەكەنىن مالىمدەدى.
«سۋسپىلنە» تىلشىلەرىنىڭ مالىمەتىنشە، جارىلىستار پولتاۆا مەن سۋمى قالالارىندا دا ەستىلگەن. پولتاۆا قالالىق كەڭەسى ەلەكتر قۋاتىنىڭ ءۇزىلۋى تىركەلگەنىن حابارلادى. ال زاپوروجە وبلىسىنىڭ بيلىگى وڭىردە جارىلىستار بولعانىن مالىمدەدى.
ءتۇن ىشىندە ۋكراينانىڭ بىرقاتار وزگە وبلىسىندا دا بىرنەشە رەت اۋە دابىلى جاريالانعان.
ەسكە سالايىق، 17 ماۋسىمدا G7 ەلدەرى رەسەيگە قارسى قىسىمدى كۇشەيتىپ، ۋكرايناعا قولداۋدى ارتتىراتىندارىن مالىمدەگەن ەدى.
قازاقستان رەسەيدىڭ «بايتەرەك» كەشەنى بويىنشا ءوز مىندەتتەمەلەرىن ورىنداۋىن كەيىنگە قالدىرۋعا كەلىستى
