اقتوبەدە بوساتىلعان ءۇش كەپىلدىڭ ءتىرى قالعان بىرەۋى رەانيماتسيادا جاتىر. بۇل تۋرالى اقتوبە وبلىسىنىڭ دەنساۋلىق ساقتاۋ باسقارماسى مالىمدەدى، دەپ حابارلايدى “ادىرنا” ۇلتتىق پورتالى.
«1984 جىلعى ناۋقاس رەانيماتسيا بولىمىندە جتم دياگنوزىمەن، مي سىلكىنۋىمەن جاتىر»، — دەپ حابارلادى اقتوبە وبلىسىنىڭ دەنساۋلىق ساقتاۋ باسقارماسى.
جاعدايى تۇراقتى اۋىر، ەسىندە. وقيعا ورنىندا جەدەل مەديتسينالىق كومەك كورسەتۋ ءۇشىن ءتورت بريگادا جۇمىس ىستەگەن.
بۇعان دەيىن اقتوبە وبلىسىندا كەپىلدەر قۇتقارۋ وپەراتسياسى جۇرگىزىلگەنى حابارلانعان بولاتىن. كەيىن ءۇش كەپىلدىڭ ەكەۋى تۇندە قايتىس بولعانى بەلگىلى بولدى. ولاردىڭ ولىمىنە پىشاق جاراقاتتارى سەبەپ بولعانى ايتىلدى.
