ادىلەت مينيسترلىگى 2025 جىلى تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگىمەن بىرلەسىپ «Kaspi Bank» اق پوستاماتتارى ارقىلى قازاقستاندارعا تۋ تۋرالى كۋالىكتى جەتكىزۋ بويىنشا پيلوتتىق جوبانى ىسكە قوسۋدى جوسپارلاپ وتىر، دەپ حابارلايدى «ادىرنا» ءتىلشىسى.
«احات ورگاندارى بەرگەن ەلەكتروندى قۇجاتتار بويىنشا – تۋ، قايتىس بولۋ، نەكە قيۋ جانە نەكەنى بۇزۋ تۋرالى كۋالىكتەر مەن انىقتامالار بويىنشا ەلەكتروندىق ءاپوستيلدى قولدانۋدى دامىتۋ جوسپارلانىپ وتىر. جاڭا وزگەرىستەر ازاماتتارعا اتالعان قۇجاتتاردى الۋعا جانە ولارعا ءبىر ءوتىنىش شەڭبەرىندە اپوستيل قويۋعا مۇمكىندىك بەرەدى»،—دەلىنگەن ۇكىمەتتىڭ ءباسپاسوز قىزمەتى تاراتقان حابارلامادا.
بۇل قىزمەتكە 2025 جىلدىڭ ءتورتىنشى توقسانىندا قول جەتكىزىلەدى دەپ جوسپارلانىپ وتىر.
سونداي-اق زاڭ كومەگىن كورسەتۋ سالاسىندا ادىلەت مينيسترلىگى 2025 جىلى اتقارۋشىلىق جازبا جاساۋ جونىندەگى پيلوتتىق جوبانى ىسكە قوسپاق. ول «بىرىڭعاي نوتارياتتىق اقپاراتتىق جۇيە» اقپاراتتىق جۇيەسىنە تالاپتاردىڭ داۋسىز ەكەندىگى جانە بورىشتى تانۋ، بورىشكەردىڭ جەكە كابينەتى ارقىلى قارسىلىق بەرۋ تۋرالى راستايتىن قۇجاتتاردى سالۋدى، سونداي-اق نوتاريۋستىڭ بورىشكەردىڭ (جەكە نەمەسە زاڭدى تۇلعا) تىركەلگەن جەرى بويىنشا عانا اتقارۋشىلىق جازبا جاساۋىن كوزدەيدى.
