ۇزاق جىلدار بويى قازاقستان اتىنان كۇرەسكەن بەلگىلى دزيۋدوشى، ريو وليمپياداسىنىڭ قولا جۇلدەگەرى وتگونتسەتسەگ گالبادراح موڭعوليا ازاماتتىعىن الۋعا ءوتىنىش بەردى، دەپ حابارلايدى «ادىرنا» ءتىلشىسى 1bol.kz-كە سىلتەمە جاساپ.
سپورتشى جەلتوقسان ايىندا قازاقستان ازاماتتىعىنان باس تارتقان.
گالبادراح توكيو وليمپياداسىنان كەيىن مانسابىن اياقتاپ، 2021 جىلى وتانىنا ورالعان بولاتىن. قازىرگى تاڭدا ول ۇلان-باتىردا جاتتىقتىرۋشى قىزمەتىن اتقارادى. سپورتشىنىڭ دزيۋدو كلۋبىندا 100-دەن اسا جاس سپورتشى ءتالىم الادى.
ايتا كەتەيىك، موڭعوليادا تۋىپ-وسكەن بالۋان قازاقستان ازاماتتىعىن 2015 جىلى العان ەدى. ول بۇعان دەيىن بۇل شەشىمگە بالا ارمانى سەبەپ بولعانىن جەتكىزدى.
«ارمانىم وليمپياداعا بارۋ بولدى. اتا-انام قازاقستان ازاماتتىعىن الۋىما قارسى بولعان جوق، تۋىسقاندارىم ءتۇسىندى. قازاقستانعا كەلگەنىمە وكىنبەيمىن. مەنى جىلى قابىلداعان قازاقستان جانكۇيەرلەرىنە العىسىمدى ايتامىن»،—دەدى گالبادراح.
