اقش پرەزيدەنتى دجو بايدەن ءوز قىزمەتى اياقتالعانعا دەيىن امەريكاندىقتارعا ەكى رەت جولداۋ جاساۋدى جوسپارلاپ وتىر، دەپ حابارلايدى "ادىرنا" ۇلتتىق پورتالى NBC News تەلەارناسىنا سىلتەمە جاساپ.
"پرەزيدەنت بايدەن قىزمەتىنەن كەتەر الدىندا، مەملەكەتتىك اپپاراتتا 50 جىلدان استام ۋاقىت بويى قىزمەت ەتكەننەن كەيىن، ءوز مۇراسىنداعى نەگىزگى باعىتتاردى ايقىنداۋ ماقساتىندا ەكى ءىرى جولداۋ جاساۋدى جوسپارلاپ وتىر", – دەلىنگەن ماتەريالدا.
تەلەارنا مالىمەتىنشە، ءبىرىنشى جولداۋ سىرتقى ساياساتقا ارنالادى. بايدەن ونى يتالياعا جاساعان ساپارىنان ورالعان سوڭ، 12 قاڭتاردا اياقتالاتىن ساپاردان كەيىن جاساماق.
بۇدان كەيىن اق ءۇيدىڭ قازىرگى باسشىسى اقش تۇرعىندارىنا قوشتاسۋ جولداۋىن جاسايدى دەپ حابارلادى جۋرناليستەر.
