قاراعاندى وبلىسىنىڭ قارقارالى قالاسىندا تۇرعىندارعا قاسقىر شاپتى، دەپ حابارلايدى «ادىرنا» ءتىلشىسى.
وبلىستىق پوليتسيا دەپارتامەنتىنىڭ ايتۋىنشا، ءتۇز تاعىسى ءۇش ادامدى جاراقاتتاعان.
«تاۋلى-ورماندى ولكەدە بوران سوعىپ تۇرعاندىقتان ىزگە ءتۇسۋ قيىنعا سوقتى. الايدا جۇرگىزىلگەن ءىس-شارالار بارىسىندا پوليتسيا قىزمەتكەرلەرى قارقارالى قالاسىنىڭ تۇرعىندارىنا شاپقان قاسقىردى تاۋىپ، كوزىن جويدى. زارداپ شەككەندەرگە قۇتىرما اۋرۋىنا قارسى ەكپە سالىندى»،—دەپ ءتۇسىندىردى پوليتسەيلەر.
