AnewsZ تەلەارناسى وتكەن جىلدىڭ جەلتوقسان ايىندا قازاقستاننىڭ اقتاۋ قالاسىنا جاقىن ماڭدا اپاتقا ۇشىراعان “ازەربايجان اۋە جولدارى” (AZAL) ۇشاعىنىڭ ەكسكليۋزيۆتى سۋرەتتەرىن جاريالادى، دەپ حابارلايدى “ادىرنا” ۇلتتىق پورتالى media.az-عا سىلتەپ.
سۋرەتتەردەن ۇشاقتىك ىشكى جانە سىرتقى بولىكتەرىندەگى زاقىمدالعانىن انىق كورۋگە بولادى. اسىرەسە، سوققىدان قالعان ىزدەر ايقىن بايقالادى.
باق-تىڭ حابارلاۋىنشا اپاتتىڭ باستاپقىدا ايتىلعان سەبەپتەرىن، اتاپ ايتقاندا، قۇستارمەن سوقتىعىسۋ نەمەسە گاز باللونىنىڭ جارىلۋى تۋرالى بولجامداردى جوققا شىعارۋى مۇمكىن.
ازەربايجان ۇكىمەتى ۇسىنعان الدىن الا مالىمەتتەرگە سايكەس، تەرگەۋ بارىسىندا ۇشاقتىڭ رەسەيدىڭ «پانتسير-س» اۋە قورعانىس جۇيەسىنەن ۇشىرىلعان زىمىرانمەن گروزنىيعا جاقىن ماڭدا اتىلعانى انىقتالدى. بۇعان دەيىن ازەربايجاننىڭ تسيفرلىق دامۋ جانە كولىك ءمينيسترى راشاد نابيەۆ اپاتتىڭ سىرتقى اسەردەن بولعانىن راستاعان ەدى، بىراق زىمىران ءتۇرىن ناقتىلاۋ تەرگەۋ ناتيجەسىندە انىقتالاتىنىن مالىمدەدى.
ازەربايجان پرەزيدەنتى يلحام اليەۆ ۇشاقتىڭ رەسەي اۋماعىندا اۋە قورعانىسى جۇيەسى ارقىلى قاتەلىكپەن اتىلعانىن ايتتى. ول كىنانى تولىق مويىنداۋدى، كىنالىلەردى جازالاۋدى جانە جابىرلەنۋشىلەر مەن ولاردىڭ وتباسىلارىنا وتەماقى تولەۋدى تالاپ ەتتى.
قازىرگى ۋاقىتتا تەرگەۋ جالعاسۋدا.
