ءيزرايلدىڭ سىرتقى ىستەر ءمينيسترى گيدەون ساار ديپلوماتيالىق ساپارمەن ازەربايجان مەن قازاقستانعا ساپارلادى. بۇل تۋرالى 25 قاڭتاردا Report اگەنتتىگى جازدى، دەپ حابارلايدى «ادىرنا» ءتىلشىسى.
ساپار ەكىجاقتى ساياسي ءارى ەكونوميكالىق بايلانىستاردى دامىتۋعا باعىتتالعان. ونىڭ اياسىندا بىرقاتار رەسمي ءىس-شارالار، سونداي-اق مەملەكەتتىك قۇرىلىمدار مەن قوعامدىق ورتا وكىلدەرىمەن كەزدەسۋلەر جوسپارلانعان. اتاپ ايتقاندا، ەۆرەي قاۋىمداستىقتارىنىڭ وكىلدەرىمەن كەزدەسۋلەر وتپەك.
قازاقستانداعى ساپار ەلدىڭ «اۆراام كەلىسىمدەرىنە» قوسىلۋى اياسىندا وتۋدە. سونداي-اق استانادا مينيستر حولوكوست قۇرباندارىن ەسكە الۋدىڭ حالىقارالىق كۇنىنە ارنالعان ءىس-شاراعا قاتىسادى.
سىرتقى ىستەر ءمينيسترىنىڭ باستاماسىمەن باكۋ مەن استانادا بيزنەس-فورۋمدار دا وتەدى. فورۋمدار اياسىندا يزرايلدىك دەلەگاتسيا وكىلدەرىنىڭ جەرگىلىكتى كاسىپكەرلەرمەن جانە ىسكەر توپتارمەن كەزدەسۋلەرى جوسپارلانعان.
