جەلىدە مەملەكەت باسشىسى قاسىم-جومارت توقاەۆ 2026 جىلى بىرىككەن ۇلتتار ۇيىمىن باسقارۋى مۇمكىن، سوعان بايلانىستى ەلىمىزدە كەزەكتەن تىس پرەزيدەنت سايلاۋى وتەدى دەگەن قاۋەسەت تاراپ جاتىر. بۇل اقپاراتقا پرەزيدەنت «انا ءتىلى» باسىلىمىنا بەرگەن سۇحباتىندا جاۋاپ بەردى، دەپ حابارلايدى “ادىرنا” ۇلتتىق پورتالى.
“مەن بىرىككەن ۇلتتار ۇيىمى باس حاتشىسىنىڭ ورىنباسارى جانە قارۋسىزدانۋ جونىندەگى كونفەرەنتسيانىڭ باس حاتشىسى رەتىندە وسى ۇيىمنىڭ جەنەۆاداعى كەڭسەسىن ءۇش جىلعا جۋىق باسقاردىم. حالىقارالىق ۇدەرىستەردىڭ قىر-سىرىنا بويلاپ، مول تاجىريبە جينادىم. وسىنىڭ ءوزى ارتىعىمەن جەتەدى دەپ ويلايمىن. مەنىڭ ەلىمىزدى دامىتۋعا قاتىستى تالاي جىلعا ارنالعان اۋقىمدى جوسپارلارىم بار، ونىڭ ءبارىن جۇزەگە اسىرۋعا نيەتتىمىن”، – دەدى توقاەۆ.
