تەلەجۋرناليست قىمبات دوسجان جانىبەكتى شەتەل ازاماتىنا ساتۋعا اتسالىسقان ادامداردىڭ انىقتالىپ جاتقانىن مالىمدەدى، دەپ حابارلايدى “ادىرنا” ۇلتتىق پورتالى.
ول ءوزىنىڭ جەلىدەگى پاراقشاسىندا ىزدەۋدىڭ قالاي جۇزەگە اسىپ جاتقانىن ايتتى.
“2025 جىلدىڭ العاشقى كۇنى بۇگىن... جانىبەك جاڭا جىل مەرەكەسىمەن قۇتتىقتادى. «قازاقستانعا تاعى دا مەنى الدىرتىڭىز، بيلەت الىپ بەرىڭىزشى، جاڭا جىلدى سىزدەرمەن قارسى العىم كەلەدى» دەپ اي̆تقان ءوتىنىشىڭدى ورىنداي̆ المادىم. ۋاقىت تىعىز بولدى، ەكىنشىدەن، سەنى شاقىرعانىممەن قۋانتاتىنداي̆ جاڭالىعىم جوق، ازىرگە... 2024 جىلدىڭ 9 جەلتوقسانىندا قر مەملەكەتتىك كەڭەسشىسى مەن قر باس پروكۋرورى اتىنا رەسمي حات جولدادىم. حاتتا جانىبەك جۇماعۇلوۆتى اسىراپ العان بەلگيالىق جالعىزباستى اي̆ەل — ۆالەري ساۆەلەۆانىڭ بالا اسىراپ الۋعا ارقالىققا كەلگەندە *** دەگەن اۋدارماشىعا 12 مىڭ اقش دوللارىن بەرگەنى تۋرالى جانە اقشانى العان ادامنىڭ اتى-ءجونى اشىق جازىلدى. 2024 جىلدىن كوكتەمىندە وسى مالىمەتتى راستاپ، ۆالەري ساۆەلەۆا اسىراپ العان ۇلى جانىبەككە بەرگەن ۆيدەوسۇحباتىندا ءوز اۋزىمەن سول وقيعانى تاعى ايتتى. ۆالەري ساۆەلەۆا بەلگيادان ارقالىققا كەلگەندە، استانا اۋەجايىنان كولىكپەن ەكى ادامنىڭ كۇتىپ العانىن، ارقالىققا سول كولىكپەن جەتىپ، اۋدارماشى ايەلدىڭ ۇيىنە قونعانىن، تاڭەرتەڭ 12 مىڭ دوللاردى ساناپ قولىنا بەرىپ، بالالار ۇيىنە ەكەۋى بىرگە بارعانىن اشىق ايتتى. بالالار ۇيىنە بارعاندا اقشا العان ايەل: «...بىردەن جانىبەكتى تاڭداماي، ويلانعان كەيىپ تانىتىپ، باسقا بالالارعا دا قاراپ، وتىرىك ىستەپ تۇرىنىز...» دەپ ۇيرەتكەن. ۆ.ساۆەلەۆا ونىڭ ايتقانىن بۇلجىتپاي ورىنداپتى. بۇل سۇحباتتىڭ تۇپنۇسقاسى جانىبەك جۇماعۇلوۆتا جەنە جانىبەكتىڭ زاڭدى وكىلى مەن — قىمبات دوسجاندا”، - دەلىنگەن جازبادا.
ودان بولەك، حالىق بەلگيادان كەلگەن تۋعان اناسىن ىزدەپ، قازاقستانعا كەلگەن جانىبەكتىڭ تۋىستارى تۋرالى دا سۇراپ جاتىر.
“… جاناشىر حالىققا ايتارىم، قاتەلەسپەسەم، سول جىلدارى بوسانعان ايەلدىن 54-نەن دنك ماتەريال الىندى. جانىبەكتىكىمەن ەشقانداي ايەلدىكى سايكەس كەلمەيدى. «قالگان ايەلدەر قايدا، ولار نەگە تاپسىرمايدى؟» دەگەن ساۋال دا ورىندى. وعان كەلەر بولساق، «ول ايەلدەردى تابۋ قيىنعا سوعىپ تۇر، شەتەلگە كەشىپ كەتىپتى، بىزدە تەرگەۋشى جەتىسپەيدى..» دەگەن سىڭدى ءتۇرلى سىلتاۋ ەستيمىن پوليتسيادان. بولجامدى اكەسى تابىلدى دەدىم، ول راس. بىراق ول كىسىنىڭ ءوزى بۇل ومىردە جوق، تۋعان بالالارى دنك اناليز تاپسىرۋدان باس تارتتى، بىراق، سول قايتىس بولعان كىسىنىڭ تۋعان باۋىرلارى بار، ولار دا ءبارىن ءبىلىپ وتىر. مەن ءتىپتى پوليتسيا قىزمەتكەرىمەن ارنايى بارىپ جولىقتىم، ايعايعا باسىپ، ءوتىنىشىمدى تىڭدامادى. كەزىندە وسى بالالاردى شەتەل ازاماتتارىنا ۇسىنىپ، دوللاردى ساناپ العانداردىڭ قازىر ۇيقىسى تىنىش ەمەستىگىنە سەنىمدىمىن. بۇل وقيعادا اۋدارماشى جالعىز فيگۋرانت ەمەس. تەرگەپ-تەكسەرۋ جۇمىسى دۇرىس، ءادىل جۇرسە، استانادان جەكە كولىكەن ارقالىققا جەتكىزگەندەردەن باستاپ، رەسمي لاۋازىم اتقارعانداردىڭ بارلىعى جاۋاپ بەرۋى ءتيىس. مىنە، ءبىر جىل ءوتتى، جانىبەك ەكەۋىمىز وسىنداي ناتيجە كۇتىپ ءجۇرمىز. وسى ءبىر جىل ىشىندە قانشاما ايەلدىن تاعدىرىمەن تانىستىم. ءبىرىنىڭ دە اتىن اتاپ نەمەسە فوتو-ۆيدەوسىن جاريالاپ جىبەرگەن جوقپىن. ويتكەنى قازاق مەدياسىنا 40 جىل قىزمەت ەتىپ كەلە جاتقان مەن - جاۋاپكەرشىلىك دەگەننىڭ نە ەكەنىن بىلەمىن. ءدال سولاي، ۆالەري ايتقان اۋدارماشى كىم، ول قازىر قايدا تۇرادى، بۇرىن قايدا جۇمىس ىستەدى، قازىر قايدا جۇمىس ىستەپ، قانداي قىزمەت اتكاراتىنىنا دەيىن بىلەمىن، جانىبەك تە بىلەدى”، — دەدى قىمبات دوسجان.
ول انىقتالعان اقپاراتتى جاريالاماۋ سەبەبىن دە ءتۇسىندىردى.
“وسى ەلدىڭ زاڭىنا باعىناتىن ازامات جانە جانىبەكتىڭ رەسمي وكىلى بولعاندىقتان، ەن باستىسى، تەرگەۋ ىسىنە كەدەرگى كەلتىرمەيىن دەپ الەۋمەتتىك جەلىگە جاريالاماي وتىرمىن. حايپ قۋعان بىرەۋ بولسام، جايىپ سالىپ قاراپ وتىرمايمىن با؟ بالا ساۋداسىنا قاتىسى بارلارعا ايتارىم، جانىبەكتىڭ شىندىعىن اشىڭىزدار، ماعان حابارلاسىڭىزدار. ءبىزدىڭ قازىرگى باستى ماقسات — بالانىڭ تۋگان شەشەسىن تابۋ. ال بالا ساۋداسىنا قاتىستى ماسەلەمەن ءتيىستى ورگاندار اينالىسسىن. جيىرما جىل تۇرماق، ەلۋ جىل وتسە دە، بالا ساۋداسىنىڭ جۇگى جەڭىلدەمەيدى-ay. قازىر جانىبەك يسپانيادا، قولىنا تۇسكەن جۇمىسكا جەگىلىپ، ءتۇرلى سالادا قىزمەت ەتىپ ءجۇر. تۋا سالا تۋعان اناسىنان، تۋعان جەرىنەن جىراق كەتكەن ول قيىندىققا ابدەن شىڭدالعان، يممۋنيتەتى مىقتى، بىراق جادايى ونشا ەمەس. كۇلسە دە، الەمنىڭ ەڭ كورىكتى جەرىنە ساياحاتتاسا دا «مەنىڭ شەشەم كىم؟» دەگەن سۇراقپەن ءومىر ءسۇرىپ كەلەدى. بالانىڭ كەشى سولاي باتادى، تاڭى سولاي اتادى”، - دەدى جۋرناليست.
