جۋرناليست قىمبات دوسجان قازاقستاننان تۋعان اناسىن ىزدەگەن جانىبەكتىڭ اسىراپ العان بەلگيالىق اناسى قايتىس بولعانىن مالىمدەدى، دەپ حابارلايدى “ادىرنا” ۇلتتىق پورتالى.
ول قايعىلى حاباردى الەۋمەتتىك جەلىدەگى پاراقشاسىندا ەستىرتىپ، جانىبەككە كوڭىل ايتتى.
«دوستار، جانىبەكتى اسىراپ العان اناسى ۆالەري بۇل ومىرمەن قوش ايتىستى. ەۆتانازيا تاسىلىمەن. 20 جىلدان بەرى جانىبەكتىڭ اناسى بولعان، ءوزى اۋىرسا دا، مەيىرىمىن جانىبەككە بەرە بىلگەن ۆالەريدىڭ ماڭگىلىك ءومىرى ەندى باستالدى. 54 جاس. جانىبەك بەرىك بول…»، دەپ جازدى قىمبات دوسجان.
قوسا كەتەيىك، ەۆتانازيا ءتاسىلى دەگەنىمىز - الدەبىر ارەكەتپەن نەمەسە قۇرالدارمەن توزگىسىز جانە ەمى جوق اۋرۋمەن اۋىراتىن ناۋقاستىڭ ءومىرىن توقتاتۋ تاجىريبەسى.
