جاڭا جىل قارساڭىندا ماڭعىستاۋ وبلىسىنىڭ اكىمى نۇرداۋلەت قيلىباي Halyk بانكتى ءوڭىردىڭ الەۋمەتتىك-ەكونوميكالىق دامۋىنا قوسقان ۇلەسى ءۇشىن باسقارما ءتورايىمى ءۇمىت شاياحمەتوۆانى العىس حاتپەن ماراپاتتادى.
ماڭعىستاۋ وبلىسى قازاقستان ەكونوميكاسىندا ماڭىزدى ءرول اتقارادى. بۇگىندە Halyk بانك شوب سەكتورىنىڭ 50%-دان استامىنا نەسيە بەرىپ وتىر. وسىلايشا، بانك وبلىستاعى كاسىپكەرلىكتى دامىتۋعا قولداۋ كورسەتىپ كەلەدى. سونداي-اق، Halyk وڭىردەگى وتكىر الەۋمەتتىك ماسەلەلەردى شەشۋگە بەلسەندى قاتىسادى.
مىسالى، 2023 جىلى ماڭعىستاۋ وبلىسىنىڭ اكىمدىگى مەن "حالىق" قايىرىمدىلىق قورى اراسىندا 4,4 ملرد تەڭگەگە ىنتىماقتاستىق تۋرالى مەموراندۋمعا قول قويىلعان بولاتىن. قاراجات بەينەۋ استىق تەرمينالىنىڭ جۇمىسىن قايتا جانداندىرۋدى قارجىلاندىرۋ، جاڭاوزەن قالاسىندا تۇششىلاندىرۋ قوندىرعىسىنىڭ قۇرىلىسىنا دەمەۋشىلىك جاساۋ جانە تۇپقاراعان اۋدانى اقشۇقىر اۋىلىندا سۋدى تۇششىلاندىرۋ زاۋىتىنىڭ قۇرىلىسى سياقتى الەۋمەتتىك ماڭىزى بار جوبالاردى ىسكە اسىرۋعا ارنالعان. سونداي-اق، قالادا دەنە شىنىقتىرۋ-ساۋىقتىرۋ كەشەنىن سالۋ جوسپارلانىپ وتىر. جاڭاوزەن جانە ماڭعىستاۋ وبلىسىنداعى بىرقاتار بالالار سپورت-ويىن الاڭدارى جانە بەينەۋ اۋىلىنداعى 3 مەكتەپتى جاڭارتۋ جوسپاردا بار.
ايتا كەتەيىك، ايماقتاعى اۋقىمدى سۋ تاسقىنى كەزىندە Halyk اپاتتاردىڭ زارداپتارىن جويۋعا العاشقىلاردىڭ ءبىرى بولىپ زارداپ شەككەندەرگە تۇرعىن ءۇيدى قالپىنا كەلتىرۋگە جانە ساتىپ الۋعا اقشالاي قاراجات جۇمساپ قانا قويماي، ولارعا رەكوردتىق مەرزىمدە اتاۋلى تولەمدەردى قامتاماسىز ەتكەن بولاتىن.
