اقتاۋداعى اۋە اپاتىن تەرگەۋ جونىندەگى كوميسسيا اپات بولعان ۇشاقتىڭ قارا جاشىكتەرىن برازيلياداعى ورتالىققا جىبەرۋ تۋرالى شەشىم قابىلدادى. بۇل تۋرالى 29 جەلتوقساندا كولىك مينيسترلىگىنىڭ ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.
«CENIPA ورتالىعىندا قاجەتتى تەحنيكالىق مۇمكىندىكتەر قاراستىرىلعان، ءتيىستى قۇرالدارمەن جابدىقتالعان جانە ولاردى وقۋ ءۇشىن سەرتيفيكاتتالعان زەرتحانا بار. بۇل ماسەلە پرەزيدەنت قاسىم-جومارت توقاەۆتىڭ جەكە باقىلاۋىندا»،—دەلىنگەن حابارلامادا.
ەسكە سالايىق، 25 جەلتوقساندا Azerbaijan Airlines اۋەكومپانياسىنىڭ Embraer ە190 جولاۋشىلار ۇشاعى اقتاۋ ماڭىنا قۇلاعان ەدى. ۇشاقتا 62 جولاۋشى مەن ەكيپاجدىڭ بەس مۇشەسى بولعان. ولاردىڭ اراسىندا ازەربايجان، قازاقستان، قىرعىزستان مەن رەسەي ازاماتتارى بار. اپاتتان قازا تاپقان 38 ادامنىڭ التاۋى – قازاقستاننىڭ ازاماتى.
