Aqtaýdaǵy áýe apatyn tergeý jónindegi komıssııa apat bolǵan ushaqtyń qara jáshikterin Brazılııadaǵy ortalyqqa jiberý týraly sheshim qabyldady. Bul týraly 29 jeltoqsanda Kólik mınıstrliginiń baspasóz qyzmeti jazdy, dep habarlaıdy «Adyrna» tilshisi.
«CENIPA ortalyǵynda qajetti tehnıkalyq múmkindikter qarastyrylǵan, tıisti quraldarmen jabdyqtalǵan jáne olardy oqý úshin sertıfıkattalǵan zerthana bar. Bul másele prezıdent Qasym-Jomart Toqaevtyń jeke baqylaýynda»,—delingen habarlamada.
Eske salaıyq, 25 jeltoqsanda Azerbaijan Airlines áýekompanııasynyń Embraer E190 jolaýshylar ushaǵy Aqtaý mańyna qulaǵan edi. Ushaqta 62 jolaýshy men ekıpajdyń bes múshesi bolǵan. Olardyń arasynda Ázerbaıjan, Qazaqstan, Qyrǵyzstan men Reseı azamattary bar. Apattan qaza tapqan 38 adamnyń altaýy – Qazaqstannyń azamaty.
