ازيا بوكس كونفەدەراتسياسى (ASBC) 2024 جىلدىڭ قورىتىندىسى بويىنشا Best of the Asians سىيلىعىنىڭ ءتۇرلى نوميناتسيالارىنداعى جەڭىمپازدارىن جاريالادى، دەپ حابارلايدى "ادىرنا" ۇلتتىق پورتالى.
قازاقستاندىق بوكسشىلار ءۇش جەكە نوميناتسيا بويىنشا ماراپاتقا يە بولدى.
ەرەسەكتەر اراسىندا ازيانىڭ ۇزدىك بوكسشىسى رەتىندە ساعىندىق توعامباي، 22 جاسقا دەيىنگى ازيانىڭ ۇزدىك بوكسشىسى رەتىندە تەمىرلان مۇقاتاەۆ، ال جاستار اراسىندا تورەحان سابىرحان ۇزدىك دەپ تانىلدى.
سونىمەن قاتار، قازاقستان بوكس فەدەراتسياسى 2024 جىلى ازيانىڭ ۇزدىك ۇلتتىق فەدەراتسياسى اتاندى.
ەسكە سالا كەتەيىك، جەلتوقسان ايىنىڭ باسىندا تايلاندتىڭ چيانگماي قالاسىندا وتكەن ەرەسەكتەر اراسىنداعى ازيا چەمپيوناتىندا قازاقستان قۇراماسى كوش باستادى. ەرلەر كومانداسى بەس التىن، ءتورت كۇمىس جانە ءبىر قولا جەڭىپ الدى. ال ايەلدەر قۇراماسى ەل قورجىنىنا بەس التىن جانە بەس قولا، جالپى ون مەدال سالعان ەدى.
