رەسەي تاراپىنىڭ باستاماسىمەن مەملەكەت باسشىسى قاسىم-جومارت توقاەۆ ۆلاديمير پۋتينمەن تەلەفون ارقىلى سويلەستى، دەپ حابارلايدى "ادىرنا" ۇلتتىق پورتالى.
ەكى ەلدىڭ پرەزيدەنتتەرى اقتاۋ قالاسىنىڭ ماڭىندا قۇلاعان ۇشاق تۋرالى ءسوز قوزعادى.
Azerbaijan Airlines كومپانياسى ۇشاعىنىڭ اپاتقا ۇشىراپ، قازاقستان جانە رەسەي ازاماتتارىنىڭ قازا تابۋىنا بايلانىستى ءبىر-بىرىنە كوڭىل ايتىپ، زارداپ شەككەندەردىڭ تەزىرەك ساۋىعىپ كەتۋىنە تىلەكتەستىك ءبىلدىردى.
قاسىم-جومارت توقاەۆ پەن ۆلاديمير پۋتين اپات سەبەپتەرىن انىقتاۋ ءۇشىن تاراپتاردىڭ اتقارىپ جاتقان جۇمىستارىن تالقىلادى. قر پرەزيدەنتى قازاقستان رەسپۋبليكاسىنىڭ ۇكىمەتتىك كوميسسياسى تەرگەۋ ءىسىن ازەربايجان، رەسەي جانە برازيليا ەلدەرىنىڭ ماماندارىن تارتا وتىرىپ جۇرگىزىپ جاتقانىن ايتتى.
پرەزيدەنتتەر تەرگەۋ امالدارىن جان-جاقتى جانە اشىق جۇرگىزۋدىڭ ماڭىزدى ەكەنىن اتاپ ءوتتى.
