قازاقستان دۇنيەجۇزىلىك بانكتەن 345,7 ميلليون ەۋرو نەسيە الۋ تۋرالى كەلىسىمگە قول قويدى. بۇل تۋرالى دۇنيەجۇزىلىك بانكتىڭ ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
“24 تامىزدا دۇنيەجۇزىلىك بانكتىڭ ورتالىق ازيا بويىنشا ايماقتىق ديرەكتورى تاتيانا پروسكۋرياكوۆا مەن پرەمەر-ءمينيستردىڭ ورىنباسارى ءارى قارجى ءمينيسترى ەرۇلان جاماۋباەۆ جەكە سەكتوردىڭ باسەكەگە قابىلەتتىلىگىن ارتتىرۋ جانە قازاقستاننىڭ COVID-19 پاندەمياسىنان تۇراقتى ەكونوميكالىق ساۋىعۋىن قامتاماسىز ەتۋ ءۇشىن 345,7 ميلليون ەۋرو كولەمىندەگى نەسيەلىك كەلىسىمگە رەسمي تۇردە قول قويدى”، دەدى دۇنيەجۇزىلىك بانكتىڭ ءباسپاسوز قىزمەتى.
قارىز تۋرالى كەلىسىمدى دۇنيەجۇزىلىك بانكتىڭ ديرەكتورلار كەڭەسى 2021 جىلعى جەلتوقساندا ماقۇلدادى. ال ءتيىستى جارلىققا قازاقستان پرەزيدەنتى 2 شىلدەدە قول قويدى. وتەۋ مەرزىمى – 11,5 جىل، قوسىمشا 2,5 جىل جەڭىلدىك كەزەڭى.
“نەسيەنىڭ ۇزاق مەرزىمدى سيپاتى جانە پايىزدىق تولەمدەردىڭ تومەندەۋى جالپى سىرتقى قارىزدىڭ ورتاشا وتەۋ مەرزىمىن ۇزارتۋ جانە قارىز الۋدىڭ ورتاشا قۇنىن تومەندەتۋ ارقىلى ەلدىڭ جالپى قارىز ءپروفيلىن جاقسارتادى. نەسيە بويىنشا بەرىلەتىن قاراجات ۇكىمەتتىڭ بيۋدجەتتىك قاجەتتىلىكتەرىن قارجىلاندىرۋدى قامتاماسىز ەتەدى”، دەپ حابارلادى دۇنيەجۇزىلىك بانكتىڭ ءباسپاسوز قىزمەتى.
قازاقستان دۇنيەجۇزىلىك بانك توبىنا كىرگەننەن بەرى وتكەن 30 جىلدا ەلگە كورسەتىلگەن قولداۋ كولەمى 8,6 ميلليارد دوللاردان استى.
”ادىرنا” ۇلتتىق پورتالى
