Reseı tarapynyń bastamasymen memleket basshysy Qasym-Jomart Toqaev Vladımır Pýtınmen telefon arqyly sóılesti, dep habarlaıdy "Adyrna" ulttyq portaly.
Eki eldiń prezıdentteri Aqtaý qalasynyń mańynda qulaǵan ushaq týraly sóz qozǵady.
Azerbaijan Airlines kompanııasy ushaǵynyń apatqa ushyrap, Qazaqstan jáne Reseı azamattarynyń qaza tabýyna baılanysty bir-birine kóńil aıtyp, zardap shekkenderdiń tezirek saýyǵyp ketýine tilektestik bildirdi.
Qasym-Jomart Toqaev pen Vladımır Pýtın apat sebepterin anyqtaý úshin taraptardyń atqaryp jatqan jumystaryn talqylady. QR Prezıdenti Qazaqstan Respýblıkasynyń Úkimettik komıssııasy tergeý isin Ázerbaıjan, Reseı jáne Brazılııa elderiniń mamandaryn tarta otyryp júrgizip jatqanyn aıtty.
Prezıdentter tergeý amaldaryn jan-jaqty jáne ashyq júrgizýdiń mańyzdy ekenin atap ótti.
