"ادىرنا" يۋتۋب ارناسىنىڭ كەزەكتى سۇحباتى جاريالاندى. سۇحباتتىڭ كەزەكتى قوناعى - مەملەكەتتىك قىزمەت سالاسىنىڭ مامانى، ساراپشى جانە «مەملەكەتتىك قىزمەت تۋرالى ويلار» كىتابىنىڭ اۆتورى مەيىربەك مۇقاتوۆ.
ول بۇگىنگى سۇحباتتا مەملەكەتتىك قىزمەتتىڭ ماڭىزى، مەملەكەتتىك قىزمەتكەرگە حالىقتىڭ كوزقاراسى، جاستاردىڭ شەتەلگە ەلىكتەۋى، سونداي-اق ولاردىڭ اسىعىستىعى مەن تەز ناتيجەگە قول جەتكىزۋگە ۇمتىلۋى سياقتى ماسەلەلەردى تالقىلادى. ول جاس ماماندار مەن مەملەكەتتىك قىزمەتكەرلەرگە ءوز كەڭەستەرىمەن ءبولىسىپ، وسى سالادا تابىسقا جەتۋ ءۇشىن ماڭىزدى قاسيەتتەر مەن ارەكەتتەر تۋرالى ايتتى.
