ازەربايجان تمد حالىقارالىق اۆياتسيا كوميتەتىنىڭ ۇشاق اپاتىن تەكسەرۋ تۋرالى رەسەي مەن قازاقستاننىڭ ۇسىنىسىنان باس تارتتى، دەپ حابارلايدى “ادىرنا” ۇلتتىق پورتالى APA-عا سىلتەمە جاساپ.
«ۇشاق اپاتىنان كەيىن رەسەي مەن قازاقستان وقيعانى تەرگەپ-تەكسەرۋ تۋرالى تمد-نىڭ حالىقارالىق اۆياتسيا كوميتەتىنە ۇسىنىس جاسادى»، - دەپ حابارلادى ارا.
ايتا كەتەيىك، مەملەكەتارالىق اۆياتسيا كوميتەتى 1991 جىلى جەلتوقساندا 12 مەملەكەت جاساسقان ازاماتتىق اۆياتسيا جانە اۋە كەڭىستىگىن پايدالانۋ تۋرالى مەملەكەتارالىق كەلىسىم نەگىزىندە قۇرىلدى.
EADaily حابارلاعانداي، قازاقستان رەسەيلىك جانە ازىربايجاندىق ساراپشىلاردى اقتاۋ ماڭىنداعى ۇشاق اپاتى بويىنشا سوت-مەديتسينالىق ساراپتاماعا قاتىسۋعا جىبەرمەيدى، بىراق ساراپشىلار اپاتتى تەرگەۋگە قاتىسا الادى. بۇل تۋرالى قر پرەمەر-ءمينيسترىنىڭ ورىنباسارى قانات بوزىمباەۆ ايتتى.
«قىلمىستىق ءىس جۇرگىزۋ كودەكسىنە سايكەس، رەسەي مەن ءازىربايجاننىڭ قۇقىق قورعاۋ ورگاندارىنىڭ قىلمىستىق ءىستى تەرگەۋگە قاتىسۋى قاراستىرىلماعان. دەگەنمەن، ولارعا اپاتقا قاتىستى تەرگەۋگە قاتىسۋعا مۇمكىندىك بەرىلەدى»،- دەدى پرەمەر-ءمينيستردىڭ ورىنباسارى.
ەسكە سسلساق، 25 جەلتوقسان كۇنى باكۋ-گروزنىي باعىتىندا ۇشقان AZAL-عا تيەسىلى Embraer 190 جولاۋشىلار ۇشاعى اقتاۋ اۋەجايىنان 3 شاقىرىم جەردە اپاتقا ۇشىرادى. ۇشاق بورتىندا 67 ادام (62 جولاۋشى جانە 5 ەكيپاج مۇشەسى), رەسەي، ءازىربايجان، قازاقستان جانە قىرعىزستان ازاماتتارى بولعان. 38 ادام قايتىس بولدى.
