قحر توراعاسى سي تسزينپين مەملەكەت باسشىسى قاسىم-جومارت توقاەۆقا كوڭىل ايتۋ جەدەلحاتىن جولدادى. بۇل تۋرالى اقوردا مالىمدەدى، دەپ حابارلايدى ”ادىرنا” ۇلتتىق پورتالى.
مالىمەت بويىنشا، قىتاي حالىق رەسپۋبليكاسىنىڭ توراعاسى سي تسزينپين اقتاۋ ماڭىندا Azerbaijan Airlines اۋە كومپانياسىنىڭ جولاۋشىلار ۇشاعى اپاتقا ۇشىراۋى سالدارىنان كوپتەگەن ادامنىڭ، سونىڭ ىشىندە قازاقستان ازاماتتارىنىڭ قايتىس بولعانى تۋرالى سۋىت حاباردى تەرەڭ كۇيزەلىسپەن قابىلداعانىن جەتكىزدى. سونداي-اق قىتاي ۇكىمەتى مەن حالقىنىڭ اتىنان قازا تاپقانداردىڭ تۋعان-تۋىستارىنا كوڭىل ايتتى.
ەسكە سالساق، 25 جەلتوقسان كۇنى اقتاۋ قالاسىنىڭ ماڭىندا Azerbaijan Airlines اۋەكومپانياسىنىڭ باكۋدەن گروزنىيعا باعىت العان جولاۋشىلار ۇشاعى اپاتقا ۇشىراپ، 38 ادام قازا تاپقان بولاتىن.
بورتتا 5 ەكيپاج مۇشەسىن قوسا العاندا 67 ادام بولعان. جولاۋشىلاردىڭ 6-اۋى قازاقستان، 42-ءسى ازەربايجان، 3-ەۋى قىرعىزستان، 16-سى رەسەي ازاماتى. 29 ادام جاراقات الىپ، اۋرۋحاناعا جاتقىزىلدى، ولاردىڭ اراسىندا ەكى بالا بار. اپاتتان امان قالعاندار اراسىندا قازاقستاندىقتار جوق.
