QHR tóraǵasy Sı zınpın Memleket basshysy Qasym-Jomart Toqaevqa kóńil aıtý jedelhatyn joldady. Bul týraly Aqorda málimdedi, dep habarlaıdy ”Adyrna” ulttyq portaly.
Málimet boıynsha, Qytaı Halyq Respýblıkasynyń tóraǵasy Sı zınpın Aqtaý mańynda Azerbaijan Airlines áýe kompanııasynyń jolaýshylar ushaǵy apatqa ushyraýy saldarynan kóptegen adamnyń, sonyń ishinde Qazaqstan azamattarynyń qaıtys bolǵany týraly sýyt habardy tereń kúızelispen qabyldaǵanyn jetkizdi. Sondaı-aq Qytaı úkimeti men halqynyń atynan qaza tapqandardyń týǵan-týystaryna kóńil aıtty.
Eske salsaq, 25 jeltoqsan kúni Aqtaý qalasynyń mańynda Azerbaijan Airlines áýekompanııasynyń Bakýden Groznyıǵa baǵyt alǵan jolaýshylar ushaǵy apatqa ushyrap, 38 adam qaza tapqan bolatyn.
Bortta 5 ekıpaj múshesin qosa alǵanda 67 adam bolǵan. Jolaýshylardyń 6-aýy Qazaqstan, 42-si Ázerbaıjan, 3-eýi Qyrǵyzstan, 16-sy Reseı azamaty. 29 adam jaraqat alyp, aýrýhanaǵa jatqyzyldy, olardyń arasynda eki bala bar. Apattan aman qalǵandar arasynda qazaqstandyqtar joq.
