تالعاردا كىسى قولىنان قازا تاپقان شەرزات پولاتتىڭ اكەسى قارجاۋباي نۇرىموۆ بوستاندىققا شىعىپ، ۇندەۋ جاسادى، دەپ حابارلايدى "ادىرنا" ۇلتتىق پورتالى.
نۇرىموۆتى 10 جەلتوقساندا پوليتسيا ۇستاپ، كەيىن اكىمشىلىك سوتتىڭ شەشىمى بويىنشا 15 كۇنگە قاماۋعا الىنعان ەدى. ول "ۇساق بۇزاقىلىق جاسادى" دەپ ايىپتالعان.
ونىمەن بىرگە ەكى تۋىسى 15 كۇنگە قامالىپ، تاعى بىرەۋىنە ايىپپۇل سالىنعان.
"ونىڭ جاعدايى جاقسى. قارجاۋباي قازىر ءۇي ىشىمەن ۋاقىت وتكىزىپ، دەمالعىسى كەلەدى. جاقىن ارادا قوسىمشا اقپارات بەرەمىز" دەدى وتباسىنىڭ قورعاۋشىلارى.
«قۇرمەتتى دوستار! قارجاۋباي بوستاندىققا شىقتى. ونى كوماندامىزداعى ادۆوكات اسىلبەك ءابدىرايموۆ الىپ كەتتى. قارجاۋبايدىڭ جاعدايى جاقسى، وتباسىمەن قاۋىشتى. قوسىمشا اقپاراتتاردى جاقىن ارادا حابارلايمىز»، — دەدى ولار.
ول بارلىق قازاقستاندىقتارعا قولداۋ كورسەتىپ، الاڭداۋشىلىق تانىتقاندارى ءۇشىن العىسىن ءبىلدىرىپ، ۇندەۋ جولدادى.
