سەمەيدە قالالىق جاڭا جىلدىق شىرشانى بەزەندىرۋ كەزىندە بيىكتەن قۇلاپ، زارداپ شەككەن مەكتەپ مۇعالىمى قۋات ايتقاليەۆتىڭ جاعدايى تۋرالى ايەلى مالىمدەدى، دەپ حابارلايدى “ادىرنا” ۇلتتىق پورتالى.
قۋات ايتقاليەۆتىڭ ايەلى سىمبات ايانقىزى كۇيەۋىنىڭ رەانيماتسيادا ەكى كۇن بولعانىن حابارلادى. ايتۋىنشا، ول قازىر ەسىن جيدى، بىراق ءالى دە اۋىر جاعدايدا.
«باس دارىگەر ميدا كىشكەنتاي گەماتوما پايدا بولعانىن ايتتى. الايدا، جاعداي وتە اۋىر جانە ءالى ەشقانداي بولجام جوق. ولار ەشتەڭە ايتا المايدى دەيدى. مەن ونىمەن سويلەستىم. ول ەكى كۇن رەانيماتسيادا بولدى، قازىر ەسىن جينادى، ءبارىن تۇسىنەدى، بىراق قيىن سۇراق قويساڭ، وعان بىردەن جاۋاپ بەرۋ قيىن. دارىگەرلەر جاعدايىنىڭ جاقسارۋى نەمەسە ناشارلاۋى بولجاي الامايدى. وپەراتسيا جاسالدى، ميدان گەماتوما الىنىپ تاستالدى،سونداي-اق باس سۇيەگىنىڭ ءبىر بولىگى دە الىنىپ تاستالدى. ءۇش ايدان كەيىن وعان يمپلانت قويىلادى»، دەدى سىمبات ايانقىزى.
سىمباتتىڭ ايتۋىنشا، كۇيەۋى قاتىسقان جۇمىستار ونىڭ كاسىبي قۇزىرەتىنە كىرمەيدى. دەگەنمەن، مەكتەپ باسشىلىعى ونى قالالىق شىرشانى بەزەندىرۋگە جىبەردى.
«ەشقانداي رەسمي قۇجاتتار، بۇيرىقتار بولعان جوق. ديرەكتور بار دەدى، ول باردى. ولار مۇعالىمدەر ءوز ەركىمەن باردى دەيدى، بىراق بۇل وتىرىك. ولار ديرەكتوردىڭ بۇيرىعىمەن جىبەرىلدى. ەشكىم تولەم نەمەسە وتەماقى تولەۋگە ۋادە بەرگەن جوق. بۇل اكىمدىكتىڭ شىرشاسى جانە وعان 30 ملن تەڭگە ءبولىندى. بىراق مۇنداي تاپسىرمالاردى ورىنداۋ ءۇشىن مۇعالىمدەر جىبەرىلەدى. بۇل جاي عانا ادام تاعدىرىمەن ويناۋ»، دەيدى ايەل
سونداي-اق نەيروحيرۋرگ راشيد يشمۋحامەتوۆ، بولاشاقتا مۇعالىمگە تاعى ءبىر وتا جاسالاتىنىن ايتتى.
«مۇندا باس سۇيەگىنىڭ اقاۋى بار. وتا كەزىندە ءتىرى قالۋ مۇمكىندىگىن ارتتىرۋ ءۇشىن، گەماتوما ورنالاسقان سۇيەك بولىگىن الىپ تاستادىق. ەكى-ءۇش ايدان كەيىن پلاستيكالىق وتا جاسالىپ، باس سۇيەگىندەگى اقاۋ اۋىستىرىلادى. بىراق بۇل جوسپارلى پروتسەدۋرا. بۇل، ارينە، وتا، بىراق دەنساۋلىققا قاۋىپ توندىرەتىندەي ۇلكەن تاۋەكەلسىز. ايتپەسە، بۇل مىسالى، قۇرىسۋ نەمەسە تۇراقتى اۋىرسىنۋدىڭ سەبەبى بولۋى مۇمكىن. سونىمەن قاتار، باس سۇيەگىنىڭ ءبىر بولىگى جوق بولۋى كەزدەيسوق جاراقات الۋ قاۋپىن تۋدىرادى»، دەپ اتاپ ءوتتى دارىگەر.
سىمبات ايانقىزى كۇيەۋىنىڭ 10 جىلدان بەرى مۇعالىم بولىپ جۇمىس ىستەپ كەلە جاتقانىن ايتتى. ەرلى - زايىپتىلار ءبىر بالانى تاربيەلەپ وتىر.
