2024 جىلدىڭ 20 جەلتوقسانىندا قازاقستان رەسپۋبليكاسى عىلىم جانە جوعارى ءبىلىم مينيسترلىگى عىلىم كوميتەتى م.و. اۋەزوۆ اتىنداعى ادەبيەت جانە ونەر ينستيتۋتىنىڭ 90 جىلدىق مەرەيتويى اياسىندا استانا قالاسىنداعى قازاقستان رەسپۋبليكاسى ۇلتتىق اكادەميالىق كىتاپحاناسىنىڭ «كونستيتۋتسيا زالىندا» ينستيتۋتتىڭ ۇيىمداستىرۋىمەن «ۇلتتىق ادەبيەتتانۋ مەن ونەرتانۋ: تاريح تاعىلىمى جانە زاماناۋي ىزدەنىستەر» اتتى سالتاناتتى جيىن ءوتتى.
شاراعا مەملەكەت جانە قوعام قايراتكەرلەرى، سەنات دەپۋتاتتارى، بەلگىلى ادەبيەتتانۋشى جانە ونەرتانۋشى عالىمدار، باق وكىلدەرى قاتىسىپ، ينستيتۋتتىڭ قازاق رۋحانياتىنداعى، تاريحىنداعى الاتىن ورنى تۋرالى كەڭىنەن پىكىرلەر ايتتى. جيىن بارىسىندا قازاقستان رەسپۋبليكاسى پرەزيدەنتىنىڭ كەڭەسشىسى باۋىرجان وماروۆ، پارلامەنت سەناتىنىڭ دەپۋتاتى التىنبەك نۇحۇلى قاتىسىپ، قۇتتىقتاۋ لەبىزدەرىن جەتكىزدى. سونىمەن بىرگە قر عىلىم جانە جوعارى ءبىلىم ءمينيسترى ساياسات نۇربەكتىڭ قۇتتىقتاۋ حاتىن ءتىل ساياساتى كوميتەتىنىڭ توراعاسى ەربول ەردەمبەكۇلى تىلەشوۆ، قر مادەنيەت جانە اقپارات ءمينيسترى ايدا بالاەۆانىڭ قۇتتىقتاۋىن كىتاپ ءىسى باسقارماسىنىڭ باسشىسى الماز مىرزاحمەت وقىسا، تۇركى اكادەمياسىنىڭ پرەزيدەنتى شاھين مۇستافاەۆتىڭ حاتىن اكادەميانىڭ ۆيتسە-پرەزيدەنتى اسحات اسىلحانۇلى كەسىكباەۆ، شاكارىم اتىنداعى سەمەي مەملەكەتتىك ۋنيۆەرسيتەتىنىڭ رەكتورى دۋمان ورىنبەكوۆتىڭ قۇتتىقتاۋىن فيلولوگيا عىلىمدارىنىڭ دوكتورى، پروفەسسور باۋىرجان امانگەلدىۇلى ەردەمبەكوۆ تابىستادى.
سونىمەن بىرگە شاراعا ل.ن. گۋميلەۆ اتىنداعى ەۋرازيا ۇلتتىق ۋنيۆەرسيتەتى، «اباي اكادەمياسى» عىلىمي-زەرتتەۋ ينستيتۋتى، قولجازبالار جانە سيرەك كىتاپتار ۇلتتىق ورتالىعى، قازاق ۇلتتىق حورەوگرافيا اكادەمياسى جانە قازاق ۇلتتىق ونەر ۋنيۆەرسيتەتىنىڭ ۇجىمدارى قاتىسىپ، جىلى لەبىزدەرىن ءبىلدىردى.
جيىن بارىسىندا ينستيتۋتتىڭ وسى ۋاقىتقا دەيىنگى اتقارعان جۇمىستارى جونىندە اقپارات بەرىلىپ، 2024 جىلى شىققان عىلىمي ەڭبەكتەرىنىڭ تۇساۋكەسەر ءراسىمى ءوتتى. اتاپ ايتقاندا: احمەت بايتۇرسىنۇلى، ماعجان جۇماباەۆ شىعارمالارىنىڭ اكادەميالىق تولىق جيناعى، «فولكلور جانە قوعامدىق سانا»، «ءححى عاسىر ادەبيەتتانۋى: تەرميندەر سوزدىگى»، «م.و. اۋەزوۆ شىعارماشىلىعىن مادەنيەتتەر ديالوگى اياسىندا زەرتتەۋ»، «اباي مۇراسىنداعى ۇلتتىق جانە جالپىادامزاتتىق: ۋاقىت پەن كەڭىستىكتەگى رۋحاني ترانزيت»، «قازاق پوستفولكلورى»، «تۇركى حالىقتارى قاھارماندىق ەپوسىنىڭ سالىستىرمالى تيپولوگياسى»، «بالالار ادەبيەتىنىڭ پانارالىق اسپەكتىلەرى»، «الاش قايراتكەرلەرى جانە ۇلتتىق فولكلور»، «التىن وردا ءداۋىرى جانە قازاق فولكلورى»، «قازىرگى پوەزياداعى موديفيكاتسيا: ستيل، ىرعاق، فورما»، «الپامىس باتىر» جىرىنىڭ ءۇش تىلدەگى نۇسقاسى»، «قازاقستاندىق ونەرتانۋ عىلىمى: پوستكەڭەستىك ءداۋىردى زەرتتەۋدىڭ جاڭا تاسىلدەرى»، «سىدىق مۇحامەدجانوۆتىڭ شىعارماشىلىعى: ۋاقىت ەنشىسىندەگى عاسىرلار ءۇنى»، «جاڭا قازاق ادەبيەتى: دارىندى جاستاردىڭ شىعارماشىلىق جەتىستىكتەرى»، «ورتالىق ازيا ادەبيەتى: پوستوتارلىق ەستەتيكا جانە ادەبي بايلانىستار»، «يزوبرازيتەلنوە يسكۋسستۆو ي ارحيتەكتۋرا كازاحستانا ۆ پەريود نەزاۆيسيموستي: ستيل ەپوحي ي پرەەمستۆەننوست تراديتسي»، «كازاحسكايا تەما ۆ رۋسسكوي ليتەراتۋرە: يماگولوگيچەسكي ديسكۋرس» اتتى ۇجىمدىق مونوگرافيالاردىڭ، «شەريازدان ەلەۋكەنوۆ جانە ادەبيەتتانۋ عىلىمىنىڭ وزەكتى ماسەلەلەرى»، «اۋەزوۆ ءۇيى» عىلىمي-مادەني ورتالىعى جانە مۋزەيدى قالىپتاستىرۋداعى ءلايلا اۋەزوۆانىڭ تاريحي ءرولى»، «قازىرگى ادەبيەتتانۋ، ونەرتانۋ جانە فولكلورتانۋدىڭ وزەكتى ماسەلەلەرى»، «ورازگۇل نۇرماعامبەتوۆا جانە ەپوستانۋ ماسەلەلەرى» اتتى حالىقارالىق كونفەرەنتسيا ماتەريالدارىنىڭ تۇساۋكەسەر ءراسىمى ءوتتى.
جيىنعا الماتى قالاسىنان «اۋەزوۆ مۋزەي-ءۇيىنىڭ» جىلجىمالى كورمەسى ارنايى اكەلىنىپ، استانا قالاسىنىڭ جۇرتشىلىعىنا تانىستىرىلدى.
جيىن سوڭىندا م.و. اۋەزوۆ اتىنداعى ادەبيەت جانە ونەر ينستيتۋتى مەن قازاقستان رەسپۋبليكاسى ۇلتتىق اكادەميالىق كىتاپحاناسى اراسىندا ىنتىماقتاستىق مەموراندۋمى جاسالدى. سونداي-اق ينستيتۋتتىڭ استانا قالاسىنداعى كۇندەرى اياسىندا وتكىزگەن ءىس-شارالارىنا كومەك كورسەتكەن مەكەمە باسشىلارى مەن ۇيىمداستىرۋشىلارعا العىس حات تاپسىرىلدى.
