استانادا كوپبالالى وتباسىلارعا ارنالعان 15 پاتەر مەملەكەتكە قايتارىلدى. بۇل تۋرالى بۇگىن، 23 جەلتوقساندا قالالىق پروكۋراتۋرانىڭ ءباسپاسوز قىزمەتى مالىمدەدى، دەپ حابارلايدى «ادىرنا» ءتىلشىسى.
ايتۋىنشا، قۇرىلىس سالۋشى كوپبالالى جانۇيالارعا ارنالعان 15 پاتەردى ۋاكىلەتتى ورگاننىڭ بالانسىنا بەرۋ بويىنشا شارتتىق مىندەتتەمەلەردى 2022 جىلدان بەرى ورىنداماعان.
«پروكۋرورلىق قاداعالاۋ اكتىسى بويىنشا 10 پاتەر كونكۋرس وتكىزۋ جانە كەيىننەن كوپ بالالى وتباسىلاردى قامتاماسىز ەتۋ ءۇشىن ۋاكىلەتتى ورگاننىڭ بالانسىنا بەرىلدى، 5 پاتەر تاپسىرىلۋ ساتىسىندا. كىنالى لاۋازىمدى تۇلعا تارتىپتىك جاۋاپكەرشىلىككە تارتىلدى»،—دەلىنگەن حابارلامادا.
