اقتاۋدا ەرىكتىلەر بىرنەشە رەت شاعىمدانعان جىلجىمالى زووباق تەكسەرىلدى، دەپ حابارلايدى "ادىرنا" ۇلتتىق پورتالى Lada.kz-كە سىلتەمە جاساپ.
تەكسەرۋ ناتيجەلەرى تۋرالى اقتاۋ قالالىق ۆەتەريناريالىق باقىلاۋ جانە قاداعالاۋ كوميتەتىنىڭ اۋماقتىق ينسپەكتسياسى حابارلادى. ماماندار ءوز قۇزىرەتى شەڭبەرىندە ەشقانداي زاڭبۇزۋشىلىق انىقتاماعان.
"جابايى جانۋارلاردىڭ ۆەتەريناريالىق انىقتامالارى مەن پاسپورتتارى بار، ولار ۆاكتسيناتسيادان وتكەن", – دەپ حابارلادى ينسپەكتسيا.
دەگەنمەن، وبلىستىق ورمان شارۋاشىلىعى جانە جانۋارلار دۇنيەسى اۋماقتىق ينسپەكتسياسىنىڭ مالىمەتىنشە، جانۋارلارعا جاۋاپتى قاراۋ سالاسىنداعى زاڭنامانى بۇزعانى ءۇشىن (اكىمشىلىك قۇقىق بۇزۋشىلىق تۋرالى كودەكستىڭ 407-2-بابى) زووباق يەسىنە 30 اەك-كە دەيىن (2024 جىلى 110 760 تەڭگە) ايىپپۇل سالىنۋى مۇمكىن.
