تۇركيانىڭ دەنساۋلىق ساقتاۋ مينيسترلىگىنىڭ تىكۇشاعى ەلدىڭ وڭتۇستىگىندەگى مۇعلا پروۆينتسياسىنداعى اۋرۋحانا عيماراتىنا سوعىلدى. اپات سالدارىنان ءتورت ادام قازا تاپتى، دەپ حابارلايدى "ادىرنا" ۇلتتىق پورتالى TRT Haber تەلەارناسىنا سىلتەمە جاساپ.
اقپاراتقا سۇيەنسەك، تىكۇشاق اۋرۋحانانىڭ جوعارعى قاباتىنا سوعىلىپ، اۋلاعا قۇلاعان. سوققىدان كەيىن تىكۇشاق بولشەكتەنىپ كەتكەن. قايعىلى وقيعا سالدارىنان ەكى ۇشقىش، ءبىر دارىگەر جانە تاعى ءبىر اۋرۋحانا قىزمەتكەرى.قازا تاپتى. بۇل اقپاراتتى مۇعلا پروۆينتسياسىنىڭ گۋبەرناتورى يدريس اكبىيىق راستادى.
"وقيعا تاڭەرتەڭ ۇشىپ شىققان كەزدە ورىن الدى، تىكۇشاق اۋرۋحانانىڭ ءتورتىنشى قاباتىنا سوعىلدى. بارلىعى قازا تاپتى", – دەدى گۋبەرناتور Haberturk تەلەارناسىنىڭ ەفيرىندە.
ونىڭ ايتۋىنشا، بيلىك اپاتتىڭ سەبەبى رەتىندە اۋا رايى جاعدايىن (تۇماندى) قاراستىرۋدا. تىكۇشاق انتالياعا باعىت العان.
