پاۆلودار مەن ومبى وبلىستارىنىڭ شەكاراسىندا ان-2ت تيەلگەن ماز كولىگى ۇستالدى، دەپ "ادىرنا" ۇلتتىق پورتالى قازتاگ-قا سىلتەپ.
پاۆلودار وبلىسى بويىنشا مەملەكەتتىك كىرىستەر دەپارتامەنتىنىڭ قىزمەتكەرلەرى ۇلتتىق قاۋىپسىزدىك كوميتەتىنىڭ شەكارا قىزمەتىمەن بىرلەسىپ، ان-2ت اۋە كەمەسىن تاسىمالداۋ فاكتىسىن انىقتادى. بۇل تۋرالى پاۆلودار وبلىسى مەملەكەتتىك كىرىستەر دەپارتامەنتىنىڭ ەكسپورتتىق باقىلاۋ ءبولىمى باسشىسى ماقسۇت قانتارباەۆ سەنبى كۇنى مالىمدەدى.
«امانگەلدى» اۆتوكولىك وتكىزۋ پۋنكتىندە («رف ومبى وبلىسىنىڭ شەكاراسى») «ماز 54323» ماركالى كولىكتى تەكسەرۋ بارىسىندا سالماعى 3 توننا 600 كگ بولاتىن ان-2ت ۇشاعى تاسىمالدانىپ جاتقانى انىقتالدى. ونىڭ باعالاۋ قۇنى – 1 800 000 رەسەي ءرۋبلى»، – دەدى قانتارباەۆ.
ۇشاقتى ازامات م. اۋكتسيوننان جەكە ماقساتتا ساتىپ العان. الايدا شەكارادان وتكەن ساتتە ازامات م.-ءنىڭ ارنايى تاۋارلاردى سايكەستەندىرۋ تۋرالى قورىتىندىسى بولماعان. بۇل قۇجات بەلگىلى ءبىر تاۋاردىڭ ازاماتتىق نەمەسە اسكەري ماقساتتا قولدانىلاتىنىن انىقتاۋ ءۇشىن قاجەت.
پاۆلودار وبلىسى ەرتىس اۋداندىق سوتىنىڭ قاۋلىسىمەن ازامات م. اكىمشىلىك قۇقىقبۇزۋشىلىق تۋرالى كودەكستىڭ 463-بابىنىڭ 1-بولىگى بويىنشا كىنالى دەپ تانىلىپ، وعان 50 مىڭ تەڭگەدەن استام كولەمىندە ايىپپۇل سالىندى.
