ەلوردادا قورعانىس مينيسترلىگىنىڭ وفيتسەرى 8 جاستاعى بالاعا سەكسۋالدى زورلىق كورسەتتى دەگەن كۇدىكپەن قاماۋعا الىندى، دەپ حابارلايدى “ادىرنا” ۇلتتىق پورتالى.
باق بەتتەرىندە قورعانىس مينيسترلىگى اسكەري بولىمدەرىنىڭ ءبىرىنىڭ باتالون كومانديرىنىڭ پودپولكوۆنيك شەنىندەگى ورىنباسارى (بەيرەسمي مالىمەتتەر بويىنشا - مايور) استاناداعى اۋرۋحاندا 2016 جىلى تۋعان بالانى زورلاماق بولعان دەگەن اقپارات تاراپ كەتكەن.
ىشكى ىستەر مينيسترلىگى كامەلەتكە تولماعان بالاعا قاتىستى جىنىستىق سيپاتتاعى زورلىق-زومبىلىق فاكتىسى بويىنشا قىلمىستىق ءىس قوزعالعانىن حابارلادى.
“قىلمىستىق قۇقىق بۇزۋشىلىق جاسادى دەگەن كۇدىكپەن وقۋدا جۇرگەن قورعانىس مينيسترلىگى اقمولا گارنيزونىنىڭ اسكەري قىزمەتكەرى ۇستالىپ، سوت سانكتسياسىمەن قاماۋعا الىندى. تەرگەۋ امالدارى جالعاسىپ جاتىر”، – دەپ مالىمدەدى ۆەدومستۆو.
ۇقساس جاڭالىقتار
