ۇلىتاۋ وبلىسى ساتباەۆ قالاسىنداعى "قازاقمىس" كورپوراتسياسىنىڭ شاحتا قىزمەتكەرلەرى 17 جەلتوقسان كەشىندە ايتقان تالاپتارىن ورىنداۋدى تالاپ ەتىپ، تاراماي تۇر، دەپ حابارلايدى "ادىرنا" ۇلتتىق پورتالى قازتاگ-قا سىلتەمە جاساپ.
"جۇمىسشىلار ءالى دە تۇر. ازىرگە كەلىسىمگە كەلگەن جوق", - دەپ حابارلادى شاحتا قىزمەتكەرلەرى 18 جەلتوقسان كۇنى كەشكە.
ەرەۋىلشىلەر شاحتا ىشىندە جانە كاسىپورىن عيماراتىنىڭ الدىندا جينالدى. دەرەككوزدەر مەن فوتوسۋرەتتەرگە سايكەس، عيماراتتىڭ سىرتىندا كەلىسسوز ناتيجەسىن ونداعان ادام كۇتىپ تۇر. ال شاحتاداعى جۇمىسشىلار سانى بەلگىسىز.
ەسكە سالايىق، 17 جەلتوقسان كەشىندە 200-دەن استام ادام ەرەۋىلگە شىعىپ، بىرنەشە ۇجىمدىق تالاپ قويدى. نەگىزگى تالاپ – جالاقىنى ەكى ەسەگە ارتتىرۋ. ەرەۋىلشىلەر سونىمەن قاتار، باستاماشىل توپ مۇشەلەرىنە قىسىم كورسەتپەۋدى تالاپ ەتتى.
اقپارات كوزدەرىنىڭ حابارلاۋىنشا، №65 شاحتا جۇمىسشىلارى جۇمىستى توقتاتقان. كەيىن كومپانيا مالىمدەمە جاساپ، "جەزقازعانتۇستىمەت" وندىرىستىك بىرلەستىگىنە قاراستى وڭتۇستىك-جەزقازعان جانە جىلاندى كەنىشتەرىنىڭ جۇمىسشىلارى دا جالاقىنى ەكى ەسە ارتتىرۋ ماسەلەسىن كوتەرگەنىن ايتتى.
18 جەلتوقسان تاڭىندا كومپانيا تۇسىندىرمە جۇمىسىن "قازاقمىس" جشس باس ديرەكتورى جانە كاسىپوداق ۇيىمدارىنىڭ وكىلدەرى جۇرگىزگەنىن حابارلادى. الايدا كەلىسسوزدەر ناتيجەسى تۋرالى اقپارات بەرىلمەدى.
"جالاقىنى كۇرت ارتتىرۋ ايماقتاعى جالاقى دەڭگەيىمەن جانە سالاداعى ايىرماشىلىقتى ودان ءارى ۇلعايتىپ، كومپانيانىڭ كەيبىر كەن ورىندارىنىڭ باسەكەگە قابىلەتسىزدىگىنە اكەلەدى", – دەپ مالىمدەدى "قازاقمىس".
سونىمەن قاتار كومپانيا 2023-2024 جىلدارى ساتباەۆ پەن جەزقازعان قالالارىنداعى 10-نان استام نىسانعا 30 ميلليارد تەڭگەدەن استام ينۆەستيتسيا سالعانىن حابارلادى.
17 جەلتوقساندا كومپانيا قىزمەتكەرلەرىنە ينفلياتسيا دەڭگەيىندە، شامامەن 8,5%-عا جالاقىنى يندەكساتسيالاۋ جوسپارلانعانىن جاريالادى. بىراق بۇل جۇمىسشىلاردى قاناعاتتاندىرمادى.
كومپانيا 2025 جىلدان باستاپ جاڭا ۇجىمدىق شارتتىڭ ەنگىزىلەتىنىن ايتتى. وندا ماتەريالدىق كومەك پەن وتەماقىلاردى كوبەيتۋ، ەرەكشە قاجەتتىلىگى بار بالالاردىڭ اتا-انالارىنا قوسىمشا جەڭىلدىكتەر، بالالار دەمالىسى باعدارلامالارىن كەڭەيتۋ، جانە بارلىق قىزمەتكەرلەردى ەرىكتى مەديتسينالىق ساقتاندىرۋمەن قامتۋ قاراستىرىلعان.
بۇل "قازاقمىس" شاحتەرلەرىنىڭ جالاقىنى كوتەرۋ تۋرالى ءبىرىنشى ەرەۋىلى ەمەس. 2023 جىلعى تامىزدا ساتباەۆ قالاسىندا جۇزدەگەن شاحتەر مەن كومپانيا قىزمەتكەرلەرى جۇمىستى توقتاتقان.
