الماتىدا جەرگىلىكتى بيۋدجەت كىرىستەرىنىڭ ءوسۋى اعىمداعى جىلدىڭ 11 ايىندا 1,7 ترلن تەڭگەدەن استام ( ءوسىم 21,2% ) قۇرادى. بۇل تۋرالى ورتالىق كوممۋنيكاتسيالار قىزمەتىندە وتكەن بريفينگ بارىسىندا الماتى اكىمى ەربولات دوساەۆ مالىمدەدى.
«جەلتوقسان ايىنىڭ باسىندا ماسليحاتقا الماتىنىڭ 2025-2027 جىلدارعا ارنالعان بيۋدجەتى ەنگىزىلدى. ەلىمىزدىڭ تاريحىندا العاش رەت 2025 جىلعا ارنالعان قالالىق بيۋدجەت 2,2 ترلن تەڭگەدەن استى. بۇل 2022 جىلدىڭ باسىمەن سالىستىرعاندا 2 ەسە جوعارى»، - دەپ اتاپ ءوتتى ەربولات دوساەۆ.
ونىڭ ايتۋىنشا، 2023 جىلدىڭ باسىنان بەرى الماتى قالاسىنىڭ اكىمدىگى ءىرى ينفراقۇرىلىمدىق جوبالاردى ىسكە اسىرۋ ءۇشىن جوبالىق قۇجاتتاردى دايىنداۋ بويىنشا ۇلكەن جۇمىس جۇرگىزدى. ناتيجەسىندە، 2025 جىلى دامۋ بيۋدجەتى 2022 جىلعا قاراي 2,2 ەسەگە ءوسىپ، 458 ملرد تەڭگەگە جەتتى.
«مەملەكەت باسشىسى اعىمداعى جىلدىڭ قاراشا ايىندا ازاماتتاردىڭ ءال-اۋقاتىن ۇدەمەلى ارتتىرۋدىڭ باسىم مىندەتىن نازاردا ۇستاۋ قاجەتتىگىن اتاپ ءوتتى. قالا بيۋدجەتى ءوزىنىڭ الەۋمەتتىك باعدارلانۋىن ساقتايدى، وعان 2025 جىلى 40% – دان استام نەمەسە 894,3 ملرد تەڭگە، 2022 جىلعا قاراي 1,8 ەسە، ۇلەسى - 40,2%»، - دەپ تولىقتىردى الماتى اكىمى.
ەسكە سالساق، اعىمداعى جىلدىڭ 6 جەلتوقسانىندا الماتىنىڭ 2025-2027 جىلدارعا ارنالعان بيۋدجەتى بەكىتىلگەن قالالىق ءماسليحاتتىڭ كەزەكتەن تىس وتىرىسى ءوتتى.
