فەرعانا قالاسىنداعى جانارماي قۇيۋ ستانتسياسىندا گاز جارىلىسى بولىپ، ءبىر ادام قازا تاپتى، دەپ حابارلايدى "ادىرنا" ۇلتتىق پورتالى NOVA24 سايتىنا سىلتەمە جاساپ.
الەۋمەتتىك جەلىلەردە گاز جارىلىسى بولعان ءساتتىڭ ۆيدەوسى پايدا بولدى.
كادرلاردان قاۋىپسىزدىك تەحنيكاسىنىڭ ساقتالماۋى سالدارىنان گازدىڭ اعۋى باستالعانى كورىنەدى. وتىن تەز تارالىپ، ادامدار مەن كولىكتەردى قورشاپ العان. ءبىر مەزەتتە وتىن جارىلىپ كەتكەن.
ءورت سوندىرۋشىلەر وقيعا ورنىنا 13:47-دە جەتىپ، ءورت وشاعىن 14:02-دە اۋىزدىقتاپ، 14:12-دە تولىعىمەن سوندىرگەن.
اپات سالدارىنان ءبىر ادام قايتىس بولدى، ءتورت ادام جاراقات الدى، تاعى سەگىز ادام دارىگەرلەردىڭ باقىلاۋىندا.
فەرعانا وبلىسىنىڭ توتەنشە جاعدايلار باسقارماسىنىڭ قىزمەتكەرلەرى، حوكيميات وكىلدەرى جانە جاۋاپتى مينيسترلىكتەر مەن ۆەدومستۆولار وقيعا ورنىنا شۇعىل جەتىپ، ءورتتىڭ سالدارىن جويۋ جۇمىستارىن جۇرگىزدى.
